ÉXODO 33:1 - Wuj Pa K'ubultzij

¹ I Ajwal xub'ij che ma Moisés: —Jat, chatel che i k'ijib'ali, junam ku' i winaq chi xeawesaj li pa Egipto, jix chila che ulew chi xinsujuj che ma Abraham, che ma Isaac xaq che ma Jacob, chi kinya chke kimuq kixikin,

ÉXODO 33:1 Iomraidhean Croise

GÉNESIS 12:7

I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.

GÉNESIS 15:18

Che i ij le, i Ajwal xu'an jun trat ru' ma Abram, xub'ij che: —Chke amuq axikin kinya wi ulewi, kjeqan li chi raqana Egipto kk'is k'a che i nim laj raqana Éufrates:

GÉNESIS 26:1

Che taq i ij le, xpe jun nim laj wa'jal chwach ulew, chrijil chik i nab'e wa'jal chi xik'awik are k'a k'as mam Abraham. Rumali x-e ma Isaac chila pa Gerar ru' mam Abimelec, chi ajawinel ke aj Filistea.

GÉNESIS 26:3

Chatjeqel ni chwach ulew le ipa at o wi wo'or, Yin katwo'taj taj, xaq kinya ni utzil chomal pawi, man chawe yet, xaq chke amuq axikin kinya wi ronojel ulew le, lik kin-an na pacha inb'im che mam Abraham chi etz aqajaw.

GÉNESIS 28:10

Are uri ma Jacob xel chila pa Beerseba, xumaj b'i i b'e chi k-e pa Harán.

GÉNESIS 50:24

X-on panoq, i mam José xub'ij chke i rachalal: “Yin ya kinkamik, xwiri i Dios lik kixuto na, xaq kixresaj b'i waral che ulewi, kixuk'am b'i che ulew chi usujum i Dios che etz mam Abraham, che etz mam Isaac xaq che etz mam Jacob.”

ÉXODO 17:3

Xwiri i je aj Israel lik kek'atik, rumali xkimayij ti ukojik uch'ojil che ma Moisés, xkib'ij: —¿B'uchak xojawesaj li pa Egipto, xa kamsab'al b'a qe ri waral che i k'atik junam ku' i qak'al xaq i qachikop? —Xecha.

ÉXODO 32:1

I je aj Israel are xkilo chi nti chik uqajik li ma Moisés tzam jyub', are uri xkimol kib' chrij ma Aarón, xkib'ij che: —Cha'ana jun qa-dios chi knab'ej b'i chqawach chi xaq tol qe, man i ma Moisés chi xojresaj li pa Egipto, qeta'am taj wach xuk'ulmaj —xecha.

ÉXODO 32:13

Chek'un awajchak chak'ux chi mam Abraham, mam Isaac xaq mam Israel; lik yet xab'ij chke chi “ka'an ni chke kimuq kixikin chi lik je k'i na pacha uk'iyal i ch'umil chwa kaj.” Xaq xab'ij chke chi “ronojel ulewi kaya ni chke kimuq kixikin, lik ke ni ike ronojel ij saq.”

ÉXODO 32:34

Yet jat, cheak'ama b'i winaq che i k'ijib'al chi xinb'ij chawe, knab'ej nu b'i in-ángel chawach. Man lik kuriq ni ij chi kinya utojb'alil chke i winaq le rumal i mak atzalal chi xki'ano.

ÉXODO 32:7

Are uri i Ajwal xub'ij che ma Moisés: —Jat, chatqaj b'ik man i awinaq chi xeawesaj li pa Egipto, xjech'ab' kinojb'al.

LEVÍTICO 20:24

Yin lik kinb'ij chiwe, chi yix ixrajaw ni kulew i winaq le, lik Yin kinyaw i ulew le chiwe ipa o wi i leche xaq i uwa'al kab' chi lik k'i. Yin in Iwajwal Dios chi xixwesaj chkixol i jub'an chik tinimit.

NÚMEROS 11:12

¿Xatab'a yin in kiqajaw xaq in kichuch man kinataq taq che chi kein-aluj b'ik pacha taq je ak'alab' chi k'a ketz'umanik, man keinya k'a chwach ulew chi asujum chke i katit kimam?

Hechos 7:36

Lik are ma Moisés le xeresaj li qatit qamam pa Egipto. Are ire le x-anaw i nimaq taq il xaq i nimaq taq anik chila pa Egipto che i kawinaq (40) junab' xaq chupam i Mar Kaq i xaq pa taq tz'inilik jyub' chaqij.

Deuteronomio 1:8

Yin injachom ronojel ulew le chiwe yix, rumali jix xaq chix-ol chwach, man Yin chi in Ajwal, insujum chke iwatit imam chi je are mam Abraham, mam Isaac xaq mam Jacob xaq konojel ni'pa kimuq kixikin.