ÉXODO 32:6 - Wuj Pa K'ubultzij

⁶ Chukab' ij we' xewalijik, xkisujuj umuyal uk'ok'al xaq xkiya kisipon re chomb'al ib'. Te'uri xekub'i konojel i winaq chutijawik kiwa xaq chutu'ik kiya', are xkelej wa'im xexajawik xaq lik xekikotik.

ÉXODO 32:6 Iomraidhean Croise

ÉXODO 32:5

Are xril ma Aarón ile, xuyijb'a jun sujb'al sipon chwach i pacha me' le, xaq xsik'in chub'ixkil chke konojel i winaq: —¡Chweq kqa'an jun nima'ij kojb'al u'ij qa-dios!

AMÓS 2:8

Je jab'ernaq chwach i k'ul chi xkimaj kan che i jun chi o uk'as ku', kkitij i wa chi sujtalik re kojb'al ki'ij i tiox chi xaril je antalik; ru' i mer chi kik'amom chke i winaq re utojb'alil jun mak chi saqil taj, ru' ile kkilo' i uwa'al uva muqb'am, chi kkitu' prachoch i kitiox.

AMÓS 8:10

Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.

NÚMEROS 25:2

Ixoqib' le kkisik'ij b'i aj Israel ku' chusujuxik kisipon chwach i kitiox. I aj Israel le kkitij i wa chi sujtal chke kitiox ixoqib' le, xaq xkikoj ki'ij.

1 Corintios 10:7

Rumali mqakoj ki'ij i tiox chi xaril je antalik, pacha xki'an jujun chke ike. Xki'ano pacha tz'ib'tal kan chupam uwuj i Dios chi kub'ij: “I winaq xekub'i chutijawik kiwa, kiya'; te'uri xewalijik, xe'ok chi xajawik chwach i kitiox chi xaril antalik;” keje ile tz'ib'tal kanoq.

Apocalipsis 11:10

Ni'pa i je re uwach i jyub' ta'aj lik kekikot na rumal kikamik i keb' le. Rumal i kikikotemal kkiya kisipon chkiwach, man i winaq re uwach i jyub' ta'aj lik xek'achir ni kumal i keb' profeta le.