ÉXODO 30:12 - Wuj Pa K'ubultzij

¹² Are keawajlaj konojel aj Israel, rajwaxik chi chkijujunal kkiya ni jun sipon chinwach Yin chi in Ajwal, tob'al re kik'aslemal, man keje ile nti jun k'ax laj yob'il kpe pkiwi xaq kekam taj are ktijin kajlaxik.

ÉXODO 30:12 Iomraidhean Croise

PRIMER LIBRO DE CR%D3NICAS 21:1

Xuk'ulmaj jun ij chi ángel ajkojol mak xch'ojin chkij aj Israel xaq xumin pujolom ma David chi kerajlaj konojel i winaq aj Israel.

PRIMER LIBRO DE CR%D3NICAS 21:12

Are oxib' junab' wa'jal, are oxib' ik' anmajik chkiwach i ajch'oj chawij, o are oxib' ij chi i Ajwal ku'an i kamik ru' uch'ich', chi are uya'ik jun itzel laj yob'il pa tinimit xaq uwulijsaxik i tinimit Israel rumal i ángel re i Ajwal. Chab'ij uri pachike ka'ulu man kinb'ij yin che i xintaqaw loq.

PRIMER LIBRO DE CR%D3NICAS 21:14

Are uri i Ajwal xutaq li jun itzel laj yob'il pkiwi i aj Israel, rumali chi xekam jo'lajujmo' wajxaqchiy (70,000) chke.

PRIMER LIBRO DE CR%D3NICAS 21:3

Xwiri ma Joab xub'ij: —I Ajwal chuk'iyarsaj ni jo'winaq (100) mul uwinaq chwach ni'pa je o wo'ori; xwiri, ¿Xatab'a je awajpatan ti ni'pa ike le, Nim laj winaq? ¿B'uchak kawaj u'anik ile, Nim laj winaq, chi xa kupetsaj i k'oqb'al pkiwi aj Israel? —Xcha.

PRIMER LIBRO DE CR%D3NICAS 27:24

Ma Joab xujeq te'eq kajlaxik i winaq, xwiri xuk'is ti chik, man rumal i ajlanik le, xpe jun itzel laj k'ax pkiwi aj Israel. Rumali chi tz'ib'tal ti chupam uwuj ma David chi ajawinel, je ni'pa aj Israel.

SEGUNDO LIBRO DE CR%D3NICAS 24:6

Are uri a Joás, chi ajawinel, xusik'ij ma Joiada, chi atz laj ajsujul sipon, xub'ij che: —¿B'uchak ab'im ti chke aj Leví chi kkib'isoj uk'amik li i qasan chila pa Judá xaq pa Jerusalén re uyijb'axik ni'pa i utz taj che i ja re riqb'al ib' ru' i Dios chi ub'im ma Moisés, chi rajpatan i Ajwal, junam ku' aj Israel?

SEGUNDO LIBRO DE CR%D3NICAS 24:9

Te'uri xkiya utzijol chke konojel aj Judá xaq chke aj Jerusalén chi rajwaxik kkik'am b'i kiqasan che i Ajwal, chi xb'ix chke aj Israel chila pa tz'inilik jyub' chaqij rumal ma Moisés, chi rajpatan i Ajwal.

Job 33:24

kril ni tob'al uwach xaq chub'ij ni che i Dios: “Chawesaj chwach i kamik man xinriq i tob'al re”,

Job 36:18

¡Chawila awib', mattzaq chupam i ch'ob'onik re uk'amik mer rumal jun utz taj, xaq maya ak'ux che uk'iyal mer.

Salmos 49:7

xwiri mijun ktiki chuto'ik rib' utukel, mitene kuya taq mer che i Dios man keje ile kuto.

ÉXODO 30:11

I Ajwal xub'ij che ma Moisés:

NÚMEROS 31:49

xkib'ij che: Yoj chi oj awajpatan, chi oj aj-atzil chke achiyab' chi je yij che i ch'oj, xeqajlaj, lik mijun xqasach kanoq.

NÚMEROS 31:50

Xaq qok'am li ronojel i jalajuj taq b'iroxik chi an-o'oj chi xqariq chqajujunal: Sotsaq ch'ich' re wiqb'al teleb'aj, sotsaq ch'ich' re uqul ab'aj, b'aq re uwi ab'aj, arit xaq i uwaj. Ronojel iri qak'amom loq re qasipon che i Ajwal re riqb'al kuyb'al qamak.

Mateo 20:28

Chu'ana uri che rib' pacha kin-an Yin chi Xinalaxoq chwach Ulew pacha Winaq; in k'unnaq na pacha mokom chkij i winaq; are ti ike je inmokom Yin. In k'unnaq man kinya ni wib' che i kamik, tojb'al re i kelb'al uk'iyal winaq pa k'ax —xub'ij i Jesús chke.

Marcos 10:45

Man mitene i pacha Winaq chi Xolalaxoq chwach Ulew, lik nti o xchakun taq chrij ire; are ne ire kchakun chkij konojel i winaq xaq xujach ni uk'aslemal pa kamik, tojb'al re i elb'al pa k'ax ke konojel —xcha.

1 Timotéo 2:6

Ire lik xuya rib' che i kamik pacha qajachik rumal i totajik re qonojel are xuriq i ij chi uch'ikom i Dios. Keje ile x-antajik k'utb'al re chqe chi i Dios kraj chi qonojel kojtotajik.