ÉXODO 27:16 - Wuj Pa K'ubultzij

¹⁶ I okb'al re uwaja kakoj jun kortin che, jo'ob' xik'ab' raqan, rajwaxik chi xar, kaq, kaqkoj xaq i chom laj lino koksax che; i kortin le kt'is rumal jun chi lik uchak ile man lik utz u'anik ku'an che. Kakoj kajib' aqan che, xaq kakoj kajib' che ukub'ib'al.

ÉXODO 27:16 Iomraidhean Croise

Salmos 45:14

Lik wiqom ru' chomiq taq k'ul, kk'am b'i chwach i ajawinel, je teren b'i i altom chrij chi keyaw u'ij, i ni'pa i rachi'il keuk'am nu b'i chawe.

ÉXODO 26:31

Xaq cha'ana jun kortin xar, kaq, kaqxar xaq i chom laj lino; i kortin le kt'is querubín chwach, chi lik chom k-ani che.

ÉXODO 26:36

Cha'ana jun kortin re i okb'al che i ja re riqb'al ib' wu', ru' i chij xar, ru' chij kaqxar, ru' chij kaq xaq ru' i chij chi chom laj lino, i kortin le kt'is rumal jun winaq chi lik are uchak ile.

ÉXODO 27:15

I juperaj chik xaq oxib' xik'ab' ru' nik'aj kaya che raqan, xaq kakoj i kortin che, rachi'ilam oxib' aqan xaq oxib' ukub'ib'al.

ÉXODO 27:17

Ronojel i aqan chi kakoj chrij chwach i uwaja, rajwaxik chi lik saq-o'oj i retz'b'alil; xaq i ko'kaq ch'ich' rajwaxik chi lik saq-o'oj xaq i ukub'ib'al rajwaxik chi lik anch'ich'.

ÉXODO 28:39

Ka'an ni jun u'u' chi ktani k'a chuqul raqan xaq ka'an ni jun yut'b'al ujolom chi lik chom laj lino. I paqb'al upam rajwaxik chi k-ani ni rumal jun chi lik are uchak ile.

ÉXODO 36:37

Xaq xu'an jun kortin re i okb'al che i ja re riqb'al ib' ru' i Dios, ru' i chij xar, kaqxar, kaq xaq i chom laj lino; i kortin le xt'is rumal jun winaq chi lik are uchak ile.

ÉXODO 39:29

I pas re paqb'al upam, ru' i k'ul kaqxar, kaq, kaqkoj xaq ru' chom laj lino; ronojel lik chom ut'isik xki'an che chrij pacha xtaq ma Moisés che rumal i Ajwal.

NÚMEROS 3:26

kortin re uwaja, kortin chi sutinnaq chrij chwach ronojel i ja re riqb'al ib' ru' i Dios xaq ipa o wi i sujb'al sipon, xaq i laso chi chapb'al re i ja re riqb'al ib' ru' i Dios.

Jueces 5:30

“Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”