ÉXODO 26:33 - Wuj Pa K'ubultzij

³³ Katzayb'a i kortin che i chapb'al re chi an-o'oj. Chrij i kortin le kaya wi i kaxa re utrat i Dios; xaq i kortin kuriq uchak chiwe yix man ku'at uxol i Lo'laj K'ijib'al re i Dios ru' i Lik Lo'laj K'ijib'al re i Dios.

ÉXODO 26:33 Iomraidhean Croise

LEVÍTICO 16:2

I Ajwal xub'ij che ma Moisés: Chab'ij che awatz ma Aarón chi to' ti kok b'i pa lo'laj k'ijib'al re i Dios, xaq to' ti ktejeb' pan chwach i ch'uqb'al uwi i kaxa chi o pan chrij i kortin; man keje ile kkam taj, man Yin kink'ut ni wib' chupam i jutzob'aj sutz' puwi i ch'uqb'al uwi i kaxa.

ÉXODO 25:16

Chupam i kaxa le kak'ol wi intzij inpixab' chi kinya ni chawe.

1 Reyes 8:10

Are xe'el li ajsujul sipon che i Lo'laj k'ijib'al re i Dios are uri i sutz' xunojsaj upam i rachoch i Dios.

1 Reyes 8:6

Chrijil chik ile, i je ajsujul sipon, xkik'am b'i kaxa re utrat i Ajwal, k'a pa ja loq che i rachoch i Dios chi lik are Lo'laj K'ijib'al re i Dios, chuxe' i kixik' i querubín.

ÉXODO 36:36

Xkiyijb'a kajib' aqan re i che' suj, xaq xkikoj b'i an-o'oj chrij, xkikoj ko'kaq ch'ich' an-o'oj che, xaq xkikoj jujun ukub'ib'al saq-o'oj chuxe' i kajib' aqan le.

ÉXODO 27:10

Kakoj juwinaq (20) aqan che xaq juwinaq (20) ukub'ib'al chi lik anch'ich', ni'pa i ko'kaq ch'ich' xaq i retz'b'alil rajwaxik chi lik re saq-o'oj.

ÉXODO 26:32

Kayijb'a kajib' aqan xwiri are i che' suj, re i ja re i molb'al ib', xaq kakoj b'i an-o'oj chrij, kakoj ko'kaq ch'ich' an-o'oj che xaq kakoj jujun ukub'ib'al saq-o'oj chuxe' i kajib' aqan le.

ÉXODO 27:21

Are ma Aarón xaq i je uk'ojol o chkiqul utzijik i tzuk'b'al le, man rajwaxik chi ronojel a'ab' kjuluw chwach i Ajwal chila chupam i ja re riqb'al ib' wu'; chwach pan i kortin ipa o wi i kaxa re utrat i Dios. Iri are jun atb'al tzij chi lik o chkiqul aj Israel kekojon che, ronojel ij saq pa taq kilemajil.

ÉXODO 40:3

Chila chupam chaya i kaxa re intrat xaq kach'uq ru' i kortin.

1 Reyes 6:16

Xaq xukoj tz'alam chakalte' che jun k'ijib'al chi o li k'a chupam i rachoch i Dios chi jo'ob' xik'ab' o che upam, xukoj li puwi, xeuk'isa k'a chuxe', i k'ijib'al le xu'an che chi are i lik Lo'laj k'ijib'al re i Dios.

SEGUNDO LIBRO DE CR%D3NICAS 3:8

Xaq xu'an i K'ijib'al chupam i ja chi are i lik Lo'laj k'ijib'al re i Dios. I upam ja le o waqib' xik'ab' che i raqan, xaq keje ile o che uwach xaqjun pacha uwach i rachoch i Dios. Te'uri xuch'uq rij ru' rutzil an-o'oj chi kolo kawinaq jumo' (440) tintal xuk'am b'ik.

Ezequiel 41:4

Te'uri xupaj i upam ja nim chi o k'a chupam loq, i o waqib' xik'ab' ru' nik'aj chkijujunal utzal. Are uri xub'ij chwe: “Iri lik are i lo'laj k'ijib'al re i Dios.”