ÉXODO 23:16 - Wuj Pa K'ubultzij

¹⁶ I nima'ij re i molonik k-ani na are k-an i nab'e molonik. Xaq keje ile k-ani che i nima'ij re i molonik pa taq k'isb'al junab' are kutzin i molonik ronojel.

ÉXODO 23:16 Iomraidhean Croise

Esdras 3:4

Xwi ta la ile, xaq xki'an i nima'ij ke i mujb'al re es, chrij pacha i atb'al tzij chi tz'ib'talik, chi ij ij ksujux i porom sipon pacha ax kki'an wi, chrij pacha uk'iyal chi ksujux ij ij.

ÉXODO 22:28

Lik mayo'ya i Dios xaq meak'oqoj i je atol tzij pa tinimit.

ÉXODO 22:29

Matb'aytaj chuk'amik li nab'e taq uwach atikon chwe, xaq ronojel uwa'al uva muqb'am chi o awu'. Xaq i nab'e taq iwak'al lik kiya ni chwe Yin.

ÉXODO 34:22

Pa k'isb'al junab' chi'ana i nima'ij re i jalajuj taq molonik, ru' nab'e uwach i jalajuj taq tikon.

Proverbios 3:9

Chakojo u'ij i Ajwal ru' ab'eyomal xaq ru' i nab'e taq uwach atikon.

NÚMEROS 29:1

Che i nab'e ij re uwuq ik' yix ki'an ni jun lo'laj moloj ib'; che i ij le mijun kchakunik man i ij le are u'ijlal uxut'ixik trompeta.

Juan 7:2

Xwiri ya knaqajab' i nima'ij re i ral taq mujb'al re es chi are jun nima'ij ke aj Judío.

Juan 7:37

I k'isb'al ij re i nima'ij chi lik are mer o u'ij. Che i ij le i Jesús xtak'i anoq, ko xub'ij i tziji: —We o jun kk'atik, chpet wu' yin, i we kkojon chwe, chutu'u uri uya'. Man pacha tz'ib'tal kan chupam uwuj i Dios: Pachin kukub'a uk'ux chwe yin, ire le keje na pacha i ralaxb'al ya.

Hechos 2:1

Are xuriq i ij re i nima'ij chi Pentecostés ub'i, konojel i winaq chi je kojonnaq che utzij i Jesús, kimolom kib' che jun k'ijib'al.

Deuteronomio 26:2

kawesaj ni nab'e taq uwach i jalajuj taq atikon chi kuya i ulew chawe, kak'am b'i chupam jun chikach, kaya chila che i k'ijib'al chi ku'ul Awajwal Dios chawe re kojb'al u'ij ub'i.