ÉXODO 23:12 - Wuj Pa K'ubultzij

¹² Che i waqib' ij cha'ana ronojel ni'pa i rajwaxik, xwiri che uwuq ij katuxlan na man xaq ke'uxlan ni ab'oyex xaq i a'axna, man xaq kkik'am chik kicho'ab', awinaq chi je o pa k'ax xaq i je aj naj.

ÉXODO 23:12 Iomraidhean Croise

NEHEMÍAS 13:16

Xwi ta la ile, xaq jujun chke aj pa tinimit Tiro chi je jeqel chila, kkik'am b'i kar xaq jalajuj taq k'ayij man kkik'ayij chke aj Israel chila Jerusalén che i ij sábado.

ÉXODO 16:23

Are uri ma Moisés xub'ij chke: —Keje ile ub'im i Ajwal, man chweq sábado, i ij le lik elsam re ukojik u'ij i Ajwal, rumali chicha'saj kanoq ni'pa i cha'saxik re, xaq chipo'owsaj kanoq ni'pa i po'owsaxik re, i kk'is taj chik'olo kanoq re chweq. Keje ile xub'ij ma Moisés chke.

ÉXODO 23:11

xwiri che uwuq junab' matik uwach awulew le, chawuxlansaj, man ni'pa i winaq je nib'a'ib' chi je o pa tinimit kewa ni chwach, xaq chikop aj pa taq es kkitij ni wach kkiya kan i winaq, xaq keje ile cha'ana pa tikb'al a-uva xaq pa tikb'al a-olivo.

ÉXODO 34:21

Uwaq ij kixchakunik, xwiri che i uwuq ij kixuxlan na. Xaq keje ki'an che u'ijlal i molonik xaq i tikanik chi kixuxlan ni che uwuq ij.

ÉXODO 35:2

Waqib' ij kixchakunik, xwiri are kuriqa i uwuq ij kixuxlan na, man lik are jun ij ile chi xin-ulu re kojb'al in-ij Yin. Jun winaq we kchakun che i ij le, saq laj tzij lik kkam na.

ÉXODO 35:3

Xa'ipa ix o wi lik mijun kunuk' a' prachoch che i ij sábado.”

ISAÍAS 58:3

Xwiri kkib'ij: ¿Wach taq uchak kqamayij qawa'im chutz'onoxik che i Dios, chi Ire kril taj? ¿Wach taq uchak kqakoch'ij taq qib', chi Ire kunab'ej taj? I u'ijlal umayixik wa'im chutz'onoxik che i Dios, yix kik'amo re k'ayinik xaq re lo'onik, xaq re keiwoqtaj imokom che i chak.

LEVÍTICO 23:3

Waqib' ij kixchakunik, xwiri che uwuq ij mijun chak ki'ano, man lik are ni jun ij ile re uxlanb'al ij xaq ki'an ni jun lo'laj moloj ib'. Nti k-ono xaipa ix o wi, i ij le lik re ni kojb'al u'ij i Ajwal.

Marcos 2:27

I Jesús xaq xub'ij chik: —I ij sábado ke i winaq xyijb'axik, rumali are ti i ij sábado o pkiwi i winaq.

Lucas 13:14

Are uri i aj-atzil re i ja re molb'al ib' ke i judío xpe roywal che i Jesús man xrutzirsaj i ixoq che i ij sábado. Xub'ij chke i winaq: —O waqib' ij che i seman re i chak. Che i waqib' ij le, we kiwaj kixk'unik re kiwutzirsaj iwib'. Xwiri mi'an ile che i ij sábado —xub'ij chke.