ÉXODO 21:2 - Wuj Pa K'ubultzij

² We o jun kulo' taq jun winaq aj Hebreo chi o pa k'ax rumal i rajaw uchak, waqib' junab' uri kchakun na, xwiri che uwuq junab' ko'tax nu b'ik, lik kutoj ti relb'al b'ik.

ÉXODO 21:2 Iomraidhean Croise

GÉNESIS 27:28

I Dios chuya na li jab' puwi atikon, xaq chuya ni b'eyomal chawe re uwach ulew, chi are k'iyal taq trigo xaq k'iyal taq uva.

GÉNESIS 27:36

I ma Esaú xub'ij: —Nechari chi ma Jacob ub'i, man are ukamul iri chi kinut'oro: Nab'e xumaj in-atzil, wo'or xaq xumaj chik utzil chomal chwe: ¿Xatab'a nti chik jun utzil chomal awu' re kaya chwe yin? —Xcha.

2 Reyes 4:1

Jun ixoq chi rixoqil te'eq jun chke profeta, xukoj uch'ojil che ma Eliseo, xub'ij che: —I wachijil, chi awajchak yet, xkamik, chk'un chak'ux chi ire lik xkojon che i Dios. Xwiri wo'or xk'un i achi chi o qacha'im ru', kraj ire keuk'am b'i keb' walab' pacha winaq chi je o pa k'ax rumal rajaw kichak.

NEHEMÍAS 5:8

xaq xinb'ij chke: “Yoj lik qa'anom qakoch' ru' ronojel ni'pa oj tikinaq chu'anik tob'al ke, man oj tikinaq chkelsaxik i qachi'il aj Israel, chi je k'aytal b'i chke tinimit chi kkikoj ti i Dios; ¿Wo'or yix kich'ob' tan chik kik'ayixik? ¿Yoj tan chiki ile keqesaj chaloq?” Ike lik xkila' ti chik uwach man xkiriq ti chik wach xkib'ij.

ÉXODO 12:44

Xwiri konojel i winaq chi je o pa k'ax rumal rajaw kichak chi je lo'tal ru' mer, utz we kya' chke kkitijo, xwiri we antal circuncisión chke.

ÉXODO 21:3

I winaq chi o pa k'ax rumal i rajaw uchak we utukel xuponik, utukel uri kel b'ik; we o rixoqil xuponik, junam uri ru' rixoqil ke'el b'ik.

ÉXODO 21:7

We o jun kuk'ayij umi'al re k-e pa k'ax pu'ab' i rajaw, i ali le ko'tax tu b'ik, keje pacha k-ani chke achiyab' chi je o pa k'ax pki'ab' i kajaw.

ÉXODO 22:3

Xwiri we pa'ij kkamsax jun ili'om, i jun chi xkamsawik lik umak uri, xaq lik ajkamsanel. I ili'om lik kutoj ni ronojel ni'pa i rel-am, xwiri we nti umer are ire uri kk'ayixik tojb'al re wach i xrel-aj.

LEVÍTICO 25:54

We xelsax ti pu'ab' i rajaw che taq i junab' le, k'ate ko'tax uri che i junab' re i o'tanik junam ku' i rak'al.

Mateo 18:25

I jun le lik nti keuk'ama wi, tojb'al re uk'as chi u'anom. Rumali, i ajawinel xub'ij chi kk'ayix na, junam ru' i rixoqil, xaq i rak'al, xaq ronojel i ub'itaq re, tojb'al re uk'as.

1 Corintios 6:20

man i Dios ix ulo'om chik, utojom chik iwajil, rumal Ire xixtotajik, rumali lik chikojo u'ij Ire ru' ich'akul, ru' iwanima, man lik ix re i Dios.

Deuteronomio 15:1

Pa taq wuqub' junab' kakuy ni ronojel ni'pa uk'as jun chik winaq awu'.

Deuteronomio 15:18

Mach'ob' yet chi utz taj we kawo'taj b'i jun winaq chi o pa k'ax awu', man ire ya xchakun waqib' junab' awu', xaq ni'pa rajil xaya'o rumal xchakun chawij, xa nik'aj che i rajil jun ajchak; xwi ta la ile, i Ajwal kuya ni utzil chomal pawi che ronojel ni'pa ka'ano.

Deuteronomio 31:10

Are uri ma Moisés xuya i taqaniki: “Pa taq wuqub' junab', are kuriqa i junab' chi re kuyb'al k'as, che i nima'ij ke i mujb'al re es