ÉXODO 21:16 - Wuj Pa K'ubultzij

¹⁶ Jun we krel-aj jun winaq, tupu uk'ayim chik o xaq we k'a o pu'ab', are knab'tajik lik kkamsax na.

ÉXODO 21:16 Iomraidhean Croise

GÉNESIS 37:28

Are xeik'aw i ajyakol k'ayij chi je aj Madián are uri xkesaj li a José chupam i k'otom xkik'ayij b'i chke, juwinaq saqpwaq xkiya wi b'ik. Keje uk'amik b'i a José ile chila pa Egipto.

GÉNESIS 40:15

yin xa in el-am li pkulew aj Hebreo xaq nti jun inmak in-anom waral, rumali kmajaw ti chwe chi intz'apil taq prexil —xcha.

ÉXODO 20:15

“Matel-anik.”

ÉXODO 21:15

We o jun kukamsaj uqajaw o xaq we kukamsaj uchuch, xaq lik kkamsax ni uri ire.

ÉXODO 22:4

We k'a xriqtaj i chikop ru' chi rel-am xaq we k'a k'aslik, lik keb' uri kutojo, tupu we b'oyex, axna xaq we chij.

Deuteronomio 24:7

We jun aj Israel xnab'tajik chi kuchap jun rach aj Israel re krel-aj b'ik man kraj k-on winaq che chi o pa k'ax rumal ire xaq we re kuk'ayij. I ili'om winaq le lik kkamsax na man xwi keje ile ksach ni uwach i utz taj chi o chixol yix.

1 Timotéo 1:10

i atb'al tzij le olik kumal i winaq chi kkimin kib' ru' jun chik chi je k'ulinaq ti ru', xaq kumal i achiyab' chi kkuk'aj kib' chkiwach je achiyab'; xaq kumal i ke'el-an winaq; kumal i je ajt'oronel; xaq kumal i je aj-anol t'oronik chwach i atb'al tzij, kumal i winaq chi kkaj ti i atb'al tzij suk'ulik.

Apocalipsis 18:12

Chi are i an-o'oj, i saq-o'oj, i uwaj chi lik chom paqalik, xaq i chomiq taq b'aq, xaq i k'ul lino chi lik chom paqalik, i k'ul re seda chi kaqxar i kaq utzunb'al; xaq nti chik klo'ow i che' chom chi lik muy chi paqal rajil, nti chik klo'ow i chomiq taq b'iroxik chi antal che i marfil, antal che i chomiq taq che', antal che i anch'ich', antal che i ch'ich', xaq che i saqcho'.