ÉXODO 20:9 - Wuj Pa K'ubultzij

⁹ Waqib' ij katchakun na xaq ka'an ni ronojel ni'pa i rajwaxik chawe.

ÉXODO 20:9 Iomraidhean Croise

ÉXODO 16:26

Waqib' ij kimol ni iwa, man che uwuq ij chi are i ij sábado lik nti kiriq pa taq es tupu kix-e chutzukuxik —xcha.

ÉXODO 23:12

Che i waqib' ij cha'ana ronojel ni'pa i rajwaxik, xwiri che uwuq ij katuxlan na man xaq ke'uxlan ni ab'oyex xaq i a'axna, man xaq kkik'am chik kicho'ab', awinaq chi je o pa k'ax xaq i je aj naj.

ÉXODO 31:15

Waqib' ij kixchakun na xwiri are kuriqa i wuqub' ij kixuxlan na, man i ij le lik are jun ij chi xin-ul Yin re kojb'al in-ij. Jun winaq we kchakun che i ij sábado le saq laj tzij lik kkam na.

ÉXODO 34:21

Uwaq ij kixchakunik, xwiri che i uwuq ij kixuxlan na. Xaq keje ki'an che u'ijlal i molonik xaq i tikanik chi kixuxlan ni che uwuq ij.

ÉXODO 35:2

Waqib' ij kixchakunik, xwiri are kuriqa i uwuq ij kixuxlan na, man lik are jun ij ile chi xin-ulu re kojb'al in-ij Yin. Jun winaq we kchakun che i ij le, saq laj tzij lik kkam na.

ÉXODO 35:3

Xa'ipa ix o wi lik mijun kunuk' a' prachoch che i ij sábado.”

Ezequiel 46:1

Yin in Ajwal, kinb'ij: I uchija re uwaja pa ja loq chi kkanaj prelb'al ij rajwaxik ktz'apix che i waqib' ij re chak, i kjaq ni che i ij sábado xaq che i ij are k'ak' i ik'.

LEVÍTICO 23:3

Waqib' ij kixchakunik, xwiri che uwuq ij mijun chak ki'ano, man lik are ni jun ij ile re uxlanb'al ij xaq ki'an ni jun lo'laj moloj ib'. Nti k-ono xaipa ix o wi, i ij le lik re ni kojb'al u'ij i Ajwal.

Lucas 13:14

Are uri i aj-atzil re i ja re molb'al ib' ke i judío xpe roywal che i Jesús man xrutzirsaj i ixoq che i ij sábado. Xub'ij chke i winaq: —O waqib' ij che i seman re i chak. Che i waqib' ij le, we kiwaj kixk'unik re kiwutzirsaj iwib'. Xwiri mi'an ile che i ij sábado —xub'ij chke.

Deuteronomio 5:13

Waqib' ij katchakun na xaq ka'an ni ronojel ni'pa i rajwaxik ka'ano.