ÉXODO 2:15 - Wuj Pa K'ubultzij

¹⁵ Are xuta ma faraón wach xu'an a Moisés, chi xukamsaj jun aj Egipto are uri xutaq utzukuxik re ukamsaxik, xwiri i a Moisés x-anmaj chwach ma faraón, x-e che ulew Madián; are ktijin ruponik xuxlan jub'i' chuchi' jun k'otom,

ÉXODO 2:15 Iomraidhean Croise

GÉNESIS 24:11

Are xeuponik, xeupuyb'a i kamey chila naqaj che i k'otom, chi o tzam ja re i tinimit, are kul chik i ij chwi jyub' chi xaq are or ile chi keupon ixoqib' chuk'amik kiya' chi k'otom.

GÉNESIS 25:2

I rak'al mam Abraham chi xuk'uwalij ru' ati Cetura je are iri: A Zimram, a Jocsán, a Medán, a Madián, a Isbac xaq i a Súa.

GÉNESIS 25:4

I rak'al ma Madián je are a Efa, a Efer, a Hanoc, a Abida xaq i a Elda. Konojel ike le is je umuq uxikin ati Cetura.

GÉNESIS 29:2

Are xupon chila xril jun k'otom ipa je uxlannaq wi oxib' tzob'aj chij, je uxlannaq chila man chila kkitu' wi kiya' chuchi' i k'otom le. Xwiri i k'otom le kojtal jun nim laj ab'aj chuchi'.

1 Reyes 11:18

Xe'el pa Madián, xe'e k'a chila Parán, chila xaq xe'e ku' ike jujun achiyab'. Chrijil chik ile, xe'e k'a pa Egipto, are xeupon chwach i ajawinel ma faraón, i ajawinel le xuya kachoch, kiwa xaq xuya kulew.

ÉXODO 18:4

Ub'i i jun chik a Eliezer, man xub'ij: “I u-Dios inqajaw xinuto xaq xinresaj chwach i kamik pu'ab' ma faraón.”

ÉXODO 4:19

I ma Moisés are k'a o chila pa ulew Madián, i Ajwal xub'ij che: —Chattzalij chik chila pa Egipto, man je kamnaq chik konojel ni'pa kkaj te'eq akamsaxik.

Proverbios 22:3

Jun chi utz unojb'al are kril i k'ax kusol ub'e; xwiri i jun chi utz ti unojb'al kusol ti ub'e, rumali kutij uyej.

Habacuc 3:7

Yin je wilom i winaq re Cusán lik je sachnaq chupam uyej, i winaq re i Madián kuwam kib' rumal kixib'rikil.

Mateo 10:23

We ix o che jun tinimit i kixkiterb'ej man kki'an ch'oj chiwij, chix-anmajoq; jix chik che jun tinimit. Qatzij i kinb'ij chiwe, i pacha Winaq chi xalax chwach Ulew, kk'un na are k'amaja ne kixtiki yix che usolixik ronojel i tinimit Israel.

Juan 4:6

Chila o wi i k'otom chi re kan mam Jacob; i Jesús lik kosnaq chik che i b'e rumali xkub'i chuchi' i k'otom le. Kolo tik'il ij.

Hechos 7:29

I ma Moisés are xuta ile, x-anmajik, x-e k'a che i ulew Madián. Chila xjeqi wi pacha jun aj naj xaq chila xealax wi keb' uk'ojol.

Hebreos 11:27

Rumal ukub'ib'al uk'ux che i Dios, xel i mam Moisés pa ulew Egipto. Xuxij ti rib' che i roywal i ajawinel, xwiri, jikil uk'ux x-ek, pacha taq lik kril uwach i Dios.