ÉXODO 19:14 - Wuj Pa K'ubultzij

¹⁴ Te'uri xqaj li ma Moisés chwi jyub', are xk'un ku' i winaq, xeutaq chukojik u'ij i Ajwal xaq xkich'aj ki'u'.

ÉXODO 19:14 Iomraidhean Croise

ÉXODO 19:10

I Ajwal xub'ij che ma Moisés: —Jat, chab'ij chke i winaq chi wo'or xaq i chweq chkikojo in-ij xaq chki'ana ch'am che kib', chkich'aja ki'u',

GÉNESIS 35:2

Are uri ma Jacob xub'ij chke i ralk'uwal xaq chke konojel ni'pa je o ru': —Chiwesaj b'i konojel i jalajuj taq tiox chi je ik'olom iwu', chijos-ij iwib' xaq chijalwachij i'u',

ÉXODO 19:13

Lik mijun kuya taq u'ab' puwi i koral man we o jun kuya u'ab' puwi lik kkamsax ni uri ru' ab'aj xaq we ntaj ru' ch'ab'; xab'iroxik we winaq xaq we chikop, lik kk'asi ti chik. Xwi are kch'aw i trompeta te'uri kixel li chwi jyub' —xcha i Dios che ma Moisés.

ÉXODO 19:15

I ma Moisés xub'ij chke i winaq: —Chiyijb'a iwib' re purox ij, mimin iwib' ru' iwixoqil.

1 Samuel 21:5

Are uri ma David xub'ij che: —Arewi, are koj-el chu'anik ch'oj, lik kqamin ti qib' ku' ixoqib'. Tupu iri are ti jun elik chu'anik ch'oj, xwiri inwinaq je ch'am chik are xojpetik; rumali chi wo'or lik je ch'am.

PRIMER LIBRO DE CR%D3NICAS 15:12

Xub'ij chke: Yix chi ix aj-atzil chke i kalk'uwal aj Leví, chijos-ij iwib' re anb'al ch'am che iwib' junam ku' iwachalal, man keje ile ki'atsaj i lo'laj ukaxa i Ajwal, chi ki-Dios aj Israel, chila che i k'ijib'al chi inyijb'am che.

NÚMEROS 31:23

Ronojel ni'pa kk'at ti pa a', rajwaxik chi kik'aw ni pa a', te'uri kch'aj ni ru' ya anb'al ch'am che. Xaq ronojel ni'pa kuch'ij ti a', rajwaxik chi ru' ya kch'ajik.