ÉXODO 17:1 - Wuj Pa K'ubultzij

¹ Konojel i je aj Israel xe'el chila pa tz'inilik jyub' chaqij chi Sin ub'i. Pa taq tzob'ajil chrij pacha xub'ij i Ajwal chke, xek'iji che i jyub' Refidim, xwiri chila lik nti ya re kkitu' i winaq.

ÉXODO 17:1 Iomraidhean Croise

ÉXODO 15:22

I ma Moisés xaq i aj Israel xe'el chuchi' i Mar Kaq, xe'e pa tz'inilik jyub' chaqij chi Shur ub'i. I aj Israel le oxib' ij xeb'in pa tz'inilik jyub' chaqij, xwiri lik nti ya xkiriqo.

ÉXODO 16:1

Konojel aj Israel xe'el chila Elim, xe'e pa tz'inilik jyub' chaqij chi Sin ub'i, chi o chuxol i Elim ru' i Sinaí; jun ik' ru' nik'aj kelik loq che ulew Egipto are xeupon chila Sin.

ÉXODO 17:8

I je aj Amalec xeupon chila pa Refidim chu'anik ch'oj chkij aj Israel.

ÉXODO 19:2

Chrijil chik kelik chila pa Refidim, are uri xeupon pa tz'inilik jyub' chaqij le, chila xe'uxlan wi chwach i Sinaí;

NÚMEROS 20:2

Chila pa tz'inilik jyub' chaqij Cades le i winaq xkimol kib' xaq xe'ok chuch'ojixik che ma Moisés xaq che ma Aarón man nti kiya':

NÚMEROS 9:17

Are kwalij b'i sutz' puwi i ja re i molb'al ib' are uri aj Israel kkimaj b'i kib'e, keterej b'i chrij i sutz', k'a ipa ktak'i wi i sutz' le xaq chila uri ke'uxlan wi ike.

NÚMEROS 9:23

We i Ajwal kub'ij chke chi ke'uxlanik, ike ke'uxlanik; we i Ajwal kub'ij chke chi keb'inik, ike keb'inik. Lik arewi kki'ano chrij pacha utaqanik i Ajwal chi ub'im che ma Moisés.