ÉXODO 16:22 - Wuj Pa K'ubultzij

²² Xwiri che uwaq ij, xkimol kiwa re keb' ij uwach, chi ke'eloq wajxaqib' k'ox chkijujunal. Are uri konojel i kaj-atzil aj Israel xe'e chub'ixkil che ma Moisés.

ÉXODO 16:22 Iomraidhean Croise

ÉXODO 16:16

Are taqanik iri chi uya'om i Ajwal chwe: Chik'ama ni'pa i rajwaxik chiwe re kitijo, chrij ni'pa i k'iyal, junam ku' iwalk'uwal, kakab' k'ox chijujunal.

ÉXODO 16:21

Rumali ij ij lik we' kkimol ni'pa i rajwaxik chke chkijujunal re kkitijo, man are kmi' i ij xa kjarik.

ÉXODO 16:5

Xwiri che uwaq ij rajwaxik kkimol kiwa re keb' ij uwach, ronojel kkiyijb'a kanoq re chukab' ij.

ÉXODO 34:31

Xwiri ma Moisés xusik'ij ma Aarón xaq i kaj-atzil je aj Israel, xub'ij chke: Mixij iwib', chixpet wu'. Are uri ike xe'e ru'.

LEVÍTICO 25:12

Man i junab' le lik o u'ij xaq re i elik chisaq. Lik kitij ni uri ni'pa uwach i tikon chi to' kalax loq chi kuya ulew chiwe.

LEVÍTICO 25:22

Keje ile kitij ni trigo chi ik'olom tz'aqat kitik chik uwach iwulew che uwajxaq junab', xaq i trigo chi ik'olom k'a xqare kix-ono re kitij che ub'elej junab' tz'aqat kuriq ni ij re molonik re i k'ak' tikanik.