ÉXODO 15:9 - Wuj Pa K'ubultzij

⁹ I ajch'oj xub'ij: Kinterej b'i chkij k'a keinriqa na. Lik kinkikot na xaq kinjach ni ronojel i xinmaj chke man lik kwesaj woywal chke, ru' i ch'ich' chi k'ulala o uware keinkamsaj ni konojel; xcha.

ÉXODO 15:9 Iomraidhean Croise

GÉNESIS 49:27

I ma Benjamín keje pacha jun itzel laj utiw chi kutij uti' ksaqirik, xwiri are kqaj ij kuk'aq b'i ch'aqa taq chi utz ti chik. Xcha mam Jacob.

2 Samuel 22:38

Xewoqtaj i je ajch'oj chwij lik k'a xinchup ni kiwach, lik chrijil chik ile te'uri xintzalij loq.

1 Reyes 19:2

Are uri ati Jezabel xutaq b'i jun ajb'il tzij chub'ixkil che ma Elías: “¡We yet at ma Elías, yin in ati Jezabel!” Chkiya ni utojb'alil i jalajuj taq tiox chwe, we chweq lik che taq i ori in-anom ti chawe yet, pacha xa'an chke je profeta re ukojik u'ij i tiox Baal.

1 Reyes 20:10

Are uri ma Ben-adad xutaq chik ub'ixkil che ma Acab: “¡Chkiya ni jun nim laj utojb'alil i jalajuj taq tiox chwe, we k'a kinya kan jub'i' uk'aj i tinimit Samaria, chi kel jumo'aj ke inwinaq chi je teren chwij!”

ÉXODO 14:5

Are xya' utzijol che ma faraón chi ajawinel re Egipto, chi xe'anmaj b'i aj Israel, are uri i ajawinel le xaq i je rajpatanib' xkijalwachij kinojb'al, xkib'ij: “¡Wach taq xqa'ano, b'uchak xqaya b'i chke aj Israel chi xe'ek xaq xko'taj kan kichak!” Xecha.

Proverbios 16:19

Mas utz we ka'an ajaj che awib' ku' i nib'a'ib'; chwach ka'an b'eyom che awib' ku' i kki'an nim che kib'.

ISAÍAS 36:20

¿Pachike taq wa chke konojel i dios le xtiki chrelsaxik i nimaq taq tinimit pu'ab' ucho'ab' i ajawinel re i tinimit Asiria? ¿B'uchak uri kich'ob'o chi Ajwal ktiki chrelsaxik i tinimit Jerusalén pu'ab' i kamik?

ISAÍAS 53:12

Rumali i Dios kuya ni jun uk'ijib'al chkixol i nimaq ki'ij, xaq ku' i nimaq kicho'ab' ku'an wi i nima'ij re i ch'akanik, man xujach rib' che i kamik xaq x-ajlax b'i chkixol i utz ti laj taq winaq, xwiri lik saq laj tzij xreqaj kimak k'iyal taq winaq, lik xch'aw chkij ajmakib'.

JEREMÍAS 46:17

I ajawinel re Egipto, chiya pub'i chi tzij taj: “Chi lik k'i taq kub'ij, xwiri ku'an taj”.

Habacuc 3:14

Lik ru' uch'ab' i aj-atzil xakamsaj, i achiyab' chi je ajrij taq kaway lik je keje pacha jun nim laj jab' tew upam, kejuk'uk'ik xkik'aq li kib' jachb'al re kixol i jub'an chi nti kich'ojb'al kamsab'al ke ani'al.

Lucas 11:22

Xwiri we kk'un jun chik achi mas nim ni ucho'ab' chwach ire, ktiki ni uri che i rajaw ja le. Lik kumaj ni uri che wach rok'am re chajb'al re i rachoch xaq kumaj ni uri i tob'al rib' chi kul uk'ux che. Te'uri kresaj b'i ni'pa ub'itaq re, xaq ku'an ni che pacha kraj ire. Te'uri xub'ij chke:

Jueces 5:30

“Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”

1 Samuel 30:8

i ma David le xuk'am unojb'al che i Ajwal, xutz'onoj che: —¿Kin-e nawi chkitzukuxik ili'omab' le? ¿K'a keinmaja nawi? Are uri i Ajwal xula' uwach che: —Utz we katterej b'i chkij man k'a keamaja na xaq k'a kattiki ni chumajik chke ronojel ni'pa i xkik'am b'ik.