ÉXODO 15:21 - Wuj Pa K'ubultzij

²¹ Are uri ati Mariy xujeq b'ix chkiwach: Chib'ixaj i Ajwal, man uk'utum u'ij uchomal chqe, are xeumuq i kaway pa mar xaq xeumuq i winaq chi je annaq chkij.

ÉXODO 15:21 Iomraidhean Croise

2 Samuel 1:20

Mib'ij chila pa tinimit Gat xaq milap chila pa taq b'e re i tinimit Ascalón, man keje ile ixoqib' aj Filistea kekikot taj, xaq kesak'lin ti i utz ti laj taq ixoqib' aj Filistea.

2 Samuel 6:14

I ma David ukojom b'i jun u'u' jurjik chi chom laj k'ul lino ub'i, xaq lik ru' ronojel ucho'ab' kxajawik.

SEGUNDO LIBRO DE CR%D3NICAS 5:13

Are uri konojel xkimol kib' chuxut'ixik i trompeta xaq xe'ok chi b'ix ru' jun chi uqulil kojb'al u'ij i Dios xaq tioxb'al re che. Xaq kkichilcha i chilchil xaq jub'an chik ojom; ru' i b'ix chi kkib'ixaj kkib'ij i tziji: “Chib'ixaj i Ajwal man ire lik utz uk'ux, man i k'axnab'al uk'ux k-e ij saq chrij.” Che i or le i rachoch i Dios xnoj che jub'an sutz'.

Salmos 76:6

Yet, Ajwal chi at u-Dios ma Jacob, ru' acho'ab' kesilab' ti chik i ch'ich' re i ch'oj, xaq i kaway keb'in ti chik.

ÉXODO 15:1

Are uri ma Moisés xaq i aj Israel xkib'ixaj jun b'ix, kojb'al u'ij i Ajwal chi keje iri kub'ij: Kinb'ixaj ni Ajwal man xuk'ut nim laj ucho'ab' are xeumuq kan i kaway pa mar xaq i winaq chi je annaq te'eq chkij.

ÉXODO 15:4

I Ajwal xumuq b'i ch'ich' re i ch'oj pa mar, xaq i winaq chi je yij che i ch'oj xaq i je rajpatan ma faraón, lik konojel xemuqtaj chupam i Mar Kaq.

Apocalipsis 14:3

Xaq keb'ixan chwach i kub'ib'al chi o u'ij xaq chkiwach i kajib' b'iroxik chi o kixik' pacha winaq ketzunik xaq chkiwach i nimaq taq winaq. Xkib'ixaj jun b'ix k'ak' chi mijun knaw che, xwi i je wajxaqlajujchiy (144,000) kenaw che, chi xetotaj chwach i jyub' ta'aj.

Apocalipsis 15:3

Xkib'ixaj ub'ix i mam Moisés, chi rajchak i Dios ujer; xaq are i b'ix re i Tol qe chi Ral Chij kb'ix che. Kkib'ij: “Yet at Ajwal Dios, chi Ronojel Kattiki Che. ¡Ronojel taq i ka'ano, lik nim, lik chom! Yet at Ajawinel pkiwi konojel i nimaq taq tinimit. ¡Ronojel i ka'ano lik suk'ulik, lik saq laj tzij!

Apocalipsis 5:9

Xkib'ixaj jun b'ix lik k'ak'; are iri: “Yet kmajaw chawe kak'am ni wuj le xaq karaqch'ij ni sello chi o che; man yet at kamsam chwach i Dios, xaq ru' akik'el xealo' i winaq, yab'al ke che i Dios. Je alo'om ronojel i tinimit, ronojel i jyub', ronojel kijayil, xaq ronojel ch'ab'al.

Jueces 5:3

¡Chinita iwonojel, yix ix ajawinelab'! Xaq ¡Chinita iwonojel yix, ix atol tzij! Man yin kinb'ixaj u'ij i Ajwal, kinb'ixaj i Dios ke aj Israel.

1 Samuel 18:6

Xwiri, are xetzalij li achiyab' pa ch'oj, chrijil chik ukamsaxik ma Goliat rumal a David, are uri xe'el li ixoqib' re jalajuj taq tinimit Israel chuk'ulaxik i ajawinel chi ma Saúl, lik ru' jun nim laj kikotemal kexajawik, keb'ixanik xaq kkichilcha i chilchil.

1 Samuel 18:7

Are ketijin ixoqib' che i b'ix xaq che i xajoj, are uri konojel ixoqib' xkib'ij i tziji: “Lajujwinaq kamo' (1,000) achiyab' xeukamsaj ma Saúl xwiri a David jo'mo' juchiy (10,000) xeukamsaj.”