ÉXODO 14:9 - Wuj Pa K'ubultzij

⁹ Konojel uwinaq ma faraón chi je yij che i ch'oj je ajrij taq kaway, je aj pa taq ch'ich' xaq i je ajchaqan, xeterej b'i chkij aj Israel. Xekiriqa chila chuchi' i mar ipa je uxlannaq wi, naqaj che i Pi-hahirot, chwach pan i Baal-zefón.

ÉXODO 14:9 Iomraidhean Croise

ÉXODO 13:18

Rumali i Dios xeuk'am b'i aj Israel che i b'e chi k-e pa tz'inilik jyub' chaqij, chi are i b'e k-e chuchi' i Mar Kaq. I aj Israel are xe'el b'i pa Egipto lik ketususik xe'ek.

ÉXODO 14:2

“Chab'ij chke aj Israel chi chetzalij loq, che'uxlan chwach i Pi-hahirot, chi o chuxol i Migdol ru' i mar chi o chwach i Baal-zefón; chila chixuxlan wi chwach i mar le.

ÉXODO 15:9

I ajch'oj xub'ij: Kinterej b'i chkij k'a keinriqa na. Lik kinkikot na xaq kinjach ni ronojel i xinmaj chke man lik kwesaj woywal chke, ru' i ch'ich' chi k'ulala o uware keinkamsaj ni konojel; xcha.

NÚMEROS 33:7

Xe'el chik chila pa Etam, xwiri xetzalij chal chkij, xek'un k'a pa Pi-hahirot chi o pusuk' i relb'al ij che i Baal-zefón, chila xe'uxlan wi chwach Migdol.

JOSUÉ 24:6

Are xewesaj li iwatit imam pa Egipto, i je aj Egipto xeterej li chkij ru' ch'ich' re kib'inb'al xaq re ch'oj, xaq o xeterej li chkij ru' taq kaway k'a chuchi' i Mar Kaq.