Yet, rumal nim laj rutzil ak'ux, xeawo'taj ti kan pa chaqij jyub'. Xe'o'tax ti rumal i jurab'aj sutz' chi uk'amom b'e chkiwach are pa'ij, xaq xe'o'tax ti rumal jurab'aj a' chi k-on saq che kib'e cha'ab' are keb'inik.
Che ronojel ni'pa kib'e aj Israel, i sutz' re i Ajwal, kk'iji puwi i ja re riqb'al ib' ru' i Dios are pa'ij, xwiri are cha'ab' o i a' chupam i sutz', chkiwach konojel aj Israel.
Puwi ronojel i jyub' re i Sion xaq pkiwi i winaq chi kimolom kib' chila, i Ajwal kuwinaqirsaj jun sutz' equm pa'ij, xaq cha'ab' ktzijtzatik xaq ktoqow urep a' puwi. Lik puwi ronojel ile o wi u'ij uchomal i Ajwal.
Che i ij are xyijb'ax i ja re riqb'al ib' ru' i Dios, i sutz' xuch'uq uwi i ja re riqb'al ib' ru' i Dios, xaq are xqaj ij, i sutz' le pacha taq a' x-ono, lik keje ile u'anom are xsaqirik chukab' ij.
Te'uri, xwil chik jun ángel, nim ucho'ab', ktijin li uqajik chikaj. Ire ch'uqum rij che i sutz', xaq o jun xok-ab' puwi ujolom. I upalaj pacha utzunb'al ij kwalch'inik, xaq i raqan pacha ketzun a' chi kjuluwik.