ÉXODO 13:2 - Wuj Pa K'ubultzij

² “Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

ÉXODO 13:2 Iomraidhean Croise

NEHEMÍAS 10:36

xaq kqak'am b'i prachoch i Ajwal Dios, i nab'e taq qak'al xaq nab'e taq kak'al qachikop, qachij, chila chkiwach ajsujul sipon chi kki'an kipatan prachoch i Ajwal, chrij pacha tz'ib'tal chupam i wuj re i atb'al tzij.

NEHEMÍAS 10:37

Xaq xqayijb'a chqawach chi kqak'am b'i pa k'olb'al re i rachoch i qa-Dios i nab'e taq jok'om trigo, nab'e taq echa' re jalajuj taq che', nab'e taq uwa'al uva muqb'am xaq nab'e taq aceite, ile are qaqasan chke ajsujul sipon, xaq kqak'am b'i lajuj che i jo'winaq (100) re uwach i qatikon chke aj Leví, man ile are ike kek'amawik are kqa'an i molonik chwach qulew.

ÉXODO 13:1

I Ajwal xub'ij che ma Moisés:

ÉXODO 22:28

Lik mayo'ya i Dios xaq meak'oqoj i je atol tzij pa tinimit.

ÉXODO 23:19

Kak'am nu b'i i chomiq taq nab'e uwach atikon prachoch Awajwal Dios. Micha'saj taq jun ral chab'at chupam i leche re uchuch.

ÉXODO 4:22

Te'uri kab'ij che ma faraón: “Keje iri kub'ij i Ajwal: I je aj Israel lik je wak'al, xaq lik je are ike nab'e wak'al.

Ezequiel 16:20

Xaq xeak'am ink'ojol xaq inmi'al chi xealax awu', i xeasujuj chkiwach i tiox le pacha tzuqb'al ke. ¿Chom b'a taq ile, chi xakoj ki'ij i tiox chi xaril je antalik,

Ezequiel 16:21

chi xaq xeaporoj i wak'al sujb'al ke chkiwach i tiox re kojb'al ki'ij i tiox le?

LEVÍTICO 27:26

Konojel i nab'e taq kak'al i chikop, lik je re i Ajwal, rumali rajwaxik ti chik kejach pu'ab', tupu we chij xaq we chikop.

NÚMEROS 18:15

Konojel i nab'e taq kak'al aj Israel xaq i nab'e taq kak'al kichikop chi kkijach chwe awe yet na. Xwiri i nab'e taq kak'al aj Israel xaq i nab'e taq kak'al kichikop chi je ch'am taj, katz'onoj ni jun tojb'al re chke elsab'al b'i ke.

NÚMEROS 3:12

“Xeincha aj Leví chkixol aj Israel, pkik'exel i nab'e taq kak'al aj Israel, man aj Leví le lik je we yin,

NÚMEROS 3:13

man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”

Lucas 2:23

Keje xki'an ike ile man chupam i u'atb'al tzij i Ajwal Dios, keje iri tz'ib'talik: “Are kalax i nab'e ak'al, we ala, o uchak kjach ni pu'ab' i Dios.”

Deuteronomio 15:19

Konojel i nab'e taq kak'al achikop chi je mama'ib' kealaxik xaq i nab'e taq kak'al achij, rajwaxik chi kajach pu'ab' i Awajwal Dios. Meachakunsaj i nab'e taq kak'al achikop xaq mawesaj i kismal i nab'e taq kak'al achij.

Hebreos 12:23

Ix tejeb'naq chik che i molb'al ib' ku' i nab'e taq rak'al i Dios, ni'pa i tz'ib'tal kib'i chwach i wuj chila chikaj. Ix tejeb'naq ru' i Dios chi ku'an ni atb'al tzij pkiwi konojel i winaq. Ix tejeb'naq ru' i kanima i je utz laj taq winaq chi suk'ul kik'aslemal chwach i Dios.