ÉXODO 13:12 - Wuj Pa K'ubultzij

¹² Iwonojel kijach ni i nab'e taq iwak'al alab'om pu'ab' i Ajwal, xaq konojel i nab'e taq mama'ib' chke ichikop man konojel ile lik je re i Ajwal.

ÉXODO 13:12 Iomraidhean Croise

NEHEMÍAS 10:36

xaq kqak'am b'i prachoch i Ajwal Dios, i nab'e taq qak'al xaq nab'e taq kak'al qachikop, qachij, chila chkiwach ajsujul sipon chi kki'an kipatan prachoch i Ajwal, chrij pacha tz'ib'tal chupam i wuj re i atb'al tzij.

NEHEMÍAS 10:37

Xaq xqayijb'a chqawach chi kqak'am b'i pa k'olb'al re i rachoch i qa-Dios i nab'e taq jok'om trigo, nab'e taq echa' re jalajuj taq che', nab'e taq uwa'al uva muqb'am xaq nab'e taq aceite, ile are qaqasan chke ajsujul sipon, xaq kqak'am b'i lajuj che i jo'winaq (100) re uwach i qatikon chke aj Leví, man ile are ike kek'amawik are kqa'an i molonik chwach qulew.

ÉXODO 13:1

I Ajwal xub'ij che ma Moisés:

ÉXODO 13:2

“Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

ÉXODO 22:28

Lik mayo'ya i Dios xaq meak'oqoj i je atol tzij pa tinimit.

ÉXODO 22:29

Matb'aytaj chuk'amik li nab'e taq uwach atikon chwe, xaq ronojel uwa'al uva muqb'am chi o awu'. Xaq i nab'e taq iwak'al lik kiya ni chwe Yin.

ÉXODO 34:19

Konojel ni'pa i nab'e taq alab'om chi kealaxik, kejach ni pin-ab' xaq konojel i nab'e ral taq mama'ib' chke i chikop man lik je we yin.

ÉXODO 34:20

I nab'e ral ma chke i rak'al jun axna chi kalaxik, ktotaj ni rumal jun chij, xwiri we nti uk'exel k-oqix ni uri uqul. Konojel i nab'e taq alab'om, ketotaj ni rumal jun chij, konojel kkik'am nu b'i kisipon, mijun chke kupon taq chinwach we nti rok'am b'i pu'ab'.

Ezequiel 16:20

Xaq xeak'am ink'ojol xaq inmi'al chi xealax awu', i xeasujuj chkiwach i tiox le pacha tzuqb'al ke. ¿Chom b'a taq ile, chi xakoj ki'ij i tiox chi xaril je antalik,

Ezequiel 44:30

I ajsujul sipon kkik'am ni utz laj taq b'iroxik chke i nab'e taq molonik xaq che ronojel i sipon. Yix are kiyijb'a i or re i wa re trigo, lik are ni i utz kiya ni chke ike. Keje ile i utzil chomal we Yin arewi kk'iji ni puwi iwachoch yix.

LEVÍTICO 27:26

Konojel i nab'e taq kak'al i chikop, lik je re i Ajwal, rumali rajwaxik ti chik kejach pu'ab', tupu we chij xaq we chikop.

NÚMEROS 18:15

Konojel i nab'e taq kak'al aj Israel xaq i nab'e taq kak'al kichikop chi kkijach chwe awe yet na. Xwiri i nab'e taq kak'al aj Israel xaq i nab'e taq kak'al kichikop chi je ch'am taj, katz'onoj ni jun tojb'al re chke elsab'al b'i ke.

NÚMEROS 3:12

“Xeincha aj Leví chkixol aj Israel, pkik'exel i nab'e taq kak'al aj Israel, man aj Leví le lik je we yin,

NÚMEROS 3:13

man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”

NÚMEROS 8:17

man je we Yin konojel i nab'e taq kak'al aj Israel xaq konojel i nab'e taq kak'al i jalajuj taq kichikop. Are xeinkamsaj konojel i nab'e taq kak'al aj Egipto, Yin xewesaj pa kamik konojel i nab'e taq kak'al aj Israel anb'al we chke.

Lucas 2:23

Keje xki'an ike ile man chupam i u'atb'al tzij i Ajwal Dios, keje iri tz'ib'talik: “Are kalax i nab'e ak'al, we ala, o uchak kjach ni pu'ab' i Dios.”

Deuteronomio 15:19

Konojel i nab'e taq kak'al achikop chi je mama'ib' kealaxik xaq i nab'e taq kak'al achij, rajwaxik chi kajach pu'ab' i Awajwal Dios. Meachakunsaj i nab'e taq kak'al achikop xaq mawesaj i kismal i nab'e taq kak'al achij.