ÉXODO 11:5 - Wuj Pa K'ubultzij

⁵ keinkamsaj ni konojel i nab'e taq ak'alab', kinjeq li che i nab'e rak'al ma faraón chi o pa kub'ib'al chi o u'ij, kink'isa ni k'a ru' i nab'e rak'al ixoq chi kchaqaw i tzi, xaq keje ile chke konojel i nab'e taq kak'al i chikop.

ÉXODO 11:5 Iomraidhean Croise

Salmos 105:36

Xwi ta la ile, xaq, ¡Xeukamsaj i nab'e taq kak'al i winaq chi je alab'om pa tinimit Egipto!

Salmos 135:8

Are ire xkamsaw konojel i nab'e taq kak'al i winaq aj Egipto, xaq i nab'e taq kak'al i kichikop.

Salmos 136:10

Chitioxij che i xkamsaw i nab'e taq i kak'al konojel aj Egipto, man i k'axnab'al uk'ux lik ronojel ij saq uwach.

Salmos 78:51

Chila pa Egipto, ¡I Dios xeukamsaj konojel i nab'e taq kak'al aj Egipto; xaq i nab'e taq kak'al chi je o chupam i wu'wik k'ul chi je aj Cam.

ÉXODO 12:12

Che a'ab' le Yin kinik'aw ni chwach ronojel ulew Egipto, xaq keinkamsaj ni konojel i nab'e taq kak'al i alk'uwalxelab', xaq keje ile kin-an ni chke konojel i chikop; xaq kink'ut ni incho'ab' pkiwi konojel i jalajuj taq ki-dios aj Egipto. Lik Yin in Ajwal xinb'ij ile.

ÉXODO 12:29

Are tik'il a'ab' i Ajwal xeukamsaj konojel i atzib' chke alk'uwalxelab' je aj Egipto, xujeq li ru' nab'e rak'al ma faraón chi o pa kub'ib'al chi o u'ij, k'a xuk'is ru' i nab'e rak'al ajprexil, xaq keje ile x-on chke i nab'e taq kak'al i jalajuj taq chikop.

ÉXODO 13:15

I ma faraón are xuya ti chqe xojpetik, i Ajwal xeukamsaj konojel i nab'e taq kak'al aj Egipto, winaq xaq i chikop; rumali wo'or i nab'e taq kak'al i qachikop chi je mama'ib' kealaxik, keqasujuj chwach i Ajwal xaq kqaya jun qasipon pkik'exel i nab'e taq qak'al chi je alab'om.

ÉXODO 4:23

Inb'im chik chawe chi chaya b'i chke wak'al ke'e chukojik in-ij, xwiri yet aya'om ti chke ke'ek, rumali kinkamsaj ni awak'al, lik are i nab'e awak'al kinkamsaj na”; keje ile kab'ij che —xcha i Dios.

ISAÍAS 47:2

Chak'ama i ka' re kenb'al, chajok'o i trigo, chawesaj i k'ul paja' xaq chayaka an a'u', chach'anb'a li awa' chisaq, chaqan chea'axuj i raqana;

Lamentaciones 5:13

I achiyab' chi lik o kicho'ab' xetaq che ke'em; i alab'om xetzaq chuxe' ralil i si'.

Mateo 24:41

Xaq je o ni keb' ixoqib' ketijin che i ke'em. Jun chke kk'am nu b'ik; i jun kkanax kanoq.

Hebreos 11:28

X-on panoq i mam Moisés xu'aljinsaj tan chik ukub'ib'al uk'ux che i Dios, man xu'an i nima'ij Pascua. I xeutaq chukitzkaxik kik' che taq uchija che i kachoch. Man are kik'aw i ángel ajkamsanel kukamsaj ti nab'e k'ojol ke i jalajuj taq alk'uwal aj Israel.

Jueces 16:21

Are uri aj Filistea xkichapo xaq xkesaj b'i ub'a'wach chekeb', xaq xkik'am b'i pa tinimit Gaza, chila xkiyut' wi ru' karena anch'ich' xaq xkitaq chuchaqik tzi ru' chaqb'al re, chila prexil.