ÉXODO 11:4 - Wuj Pa K'ubultzij

⁴ I ma Moisés xub'ij che ma faraón: —I Ajwal keje iri xub'ij: “Tik'il a'ab' kinik'aw ni pa ronojel ulew tinimit Egipto,

ÉXODO 11:4 Iomraidhean Croise

2 Samuel 5:24

Are kata chi pacha taq kinb'in puwi i che', su' jat uri chu'anik ch'oj, man ile ke'eloq chi Yin in nab'e chawach chkikamsaxik achiyab' chi je yij che i ch'oj ke aj Filistea.

Job 34:20

I winaq xaqte'et kekam anoq; tik'il a'ab' i winaq ke'ok che i ch'oqowik xaq ksach kiwach; xaq ksach uwach i b'eyom rumal ti jun winaq.

Salmos 60:10

Man yet, Ajwal Dios, oj ak'aqom b'ik; ¡Lik kawachnimaj ti chik qawinaq chi je yij che i ch'oj!

Salmos 81:5

are i taqanik chi xya' che ma José are xch'ojin i Dios chkij aj Egipto. Yin xinta jun ch'awb'al chi lik intom taj:

ÉXODO 12:12

Che a'ab' le Yin kinik'aw ni chwach ronojel ulew Egipto, xaq keinkamsaj ni konojel i nab'e taq kak'al i alk'uwalxelab', xaq keje ile kin-an ni chke konojel i chikop; xaq kink'ut ni incho'ab' pkiwi konojel i jalajuj taq ki-dios aj Egipto. Lik Yin in Ajwal xinb'ij ile.

ÉXODO 12:23

Man kik'aw i Ajwal chkikamsaxik i nab'e taq alk'uwalxelab' chwach ronojel ulew Egipto, xwiri are kril i kik' chi sutal che ronojel uchi' uxol chija kik'aw suk'ulik. Man i Ajwal kuya ti che i ángel ajkamsanel kok piwachoch.

ÉXODO 12:29

Are tik'il a'ab' i Ajwal xeukamsaj konojel i atzib' chke alk'uwalxelab' je aj Egipto, xujeq li ru' nab'e rak'al ma faraón chi o pa kub'ib'al chi o u'ij, k'a xuk'is ru' i nab'e rak'al ajprexil, xaq keje ile x-on chke i nab'e taq kak'al i jalajuj taq chikop.

ISAÍAS 42:13

I Ajwal ke'el na pacha jun achi o u'ij xaq kukoch'ij ni uwach ru' ronojel ucho'ab' pacha jun ajch'oj, ko kch'awik, ku'an jun sik' re ujeqik ch'oj xaq ktiki ni chke i je ajch'oj chrij.

AMÓS 4:10

“Xintaq b'i itzel laj taq k'ax piwi pacha xintaq b'i pkiwi aj Egipto; xin-ano chi ik'ojol kekam pa taq es pa ch'oj xaq xin-ano chi i ajch'oj chiwij ku'an re chke ikaway; xin-an chiwe chi kisiq i chu laj taq kamnaq pa wu'waq taq ja, ¡Xwiri yix xixtzalij ti chik wu'!” Are i Ajwal kub'ij.

AMÓS 5:17

Pa ronojel taq tikonb'al uva ke'o' na are kink'un yin chuya'ik utojb'alil chke.” Are i Ajwal kb'inik.

Miqueas 2:13

I Dios kujaq nu b'i i b'e chkiwach, ike keterej nu b'i chrij i ke'el ni che i okb'al re i tinimit. I ajawinel chi Ajwal, knab'ej nu b'i chkiwach konojel ike.

Mateo 25:6

Are tik'il a'ab', o i xesik'in chub'ixkil: “¡Ya xk'un i achi chi kixk'uli ru'; jix chuk'ulaxik!” Xecha.