ÉXODO 1:17 - Wuj Pa K'ubultzij

¹⁷ Xwiri i parterab' le kekojon che i Dios, rumali xki'an taj pacha xub'ij i ajawinel chke.

ÉXODO 1:17 Iomraidhean Croise

GÉNESIS 20:11

Are uri mam Abraham xula' uwach che: —Xinch'ob' yin, i winaq chi je o waral che i tinimiti kkixij ti kib' che i Dios, lik kinkikamsaj uri rumal i wixoqil kinb'ij yin.

GÉNESIS 42:18

Churox ij xub'ij a José chke i ratz: —Yin kinxij wib' che i Dios rumali lik kinkojon che; chi'ana iri, man keje ile kixk'asi na;

2 Samuel 24:4

Xwiri i ajawinel xukoj ti pajil utzij i ma Joab che xaq kitzij i je rajpatanib', rumali chi ma Joab xaq konojel i je rajpatan xe'el li chila ipa o wi i ajawinel, xe'e chkajlaxik i winaq aj Israel.

NEHEMÍAS 5:15

Xwiri, i jub'an chik aj-ok'al utzam i jalajuj taq tinimit chi xek'iji nab'e chinwach yin, ike xkiya jun nim laj eqan pkiwi i tinimit, man ij ij kkitz'onoj kawinaq (40) pwaq saq-o'oj re kiwa xaq re uwa'al ki-uva muqb'am. Xwi ta la ile, xaq i kajchak utz ti kilik i winaq xki'ano. Xwiri yin, xin-an ti keje ile rumal kojb'al u'ij i Dios.

Ester 3:3

Are uri i rajpatan i ajawinel xkitz'onoj che ma Mardoqueo b'uchak chi kkojon ti che i taqanik chi xuya i ajawinel.

Salmos 31:19

¡Lik nim i rutzil ak'ux chke ni'pa i kkikoj a'ij, lik kak'ol na pacha taq jun nim laj b'eyomal xaq lik chkiwach konojel i winaq, kajach chke i jub'an chi kkikub'a kik'ux chawe.

ÉXODO 1:18

Are uri i ajawinel chi ke aj Egipto, xutaq kisik'ixik i parterab' le te'uri xutz'onoj chke: —¿B'uchak xi'an ile chi xeik'asb'a i alab'om?

ÉXODO 1:21

xaq kumal i parterab' chi kekojon che i Dios, rumali chi i Dios lik xril tob'al kiwach xuk'iyarsaj kimuq kixikin,

Proverbios 16:6

Ru' k'axnab'al k'uxij xaq ru' saq laj tzij kkuytaj i mak atzalal, ru' ukojik u'ij i Ajwal kajek' awib' che i utz taj.

Proverbios 8:13

I ukojik u'ij i Ajwal are tzel ilb'al re i utz taj. Yin ktitat inpam che i nimarsan ib' xaq i qelanik, xaq ktitat inpam che i utz ti laj b'e, xaq che i t'oronik.

ECLESIASTÉS 12:13

I lapanik ya xk'isik, lik ronojel b'ital chik. Chakojo u'ij i Dios, xaq chatkojon che utzij upixab', man ile are ronojel uk'aslemal i winaq.

ECLESIASTÉS 8:12

Keje ile ke'eloq, i winaq chi kmakunik xaq kumayij ti makunik, lik k'iyal junab' kk'asi'ik. Are i weta'am yin, chi i winaq chi kukoj u'ij i Dios xaq ku'an ajaj che rib' chwach, lik utz uri kel ru' wach i ku'ano.

Daniel 6:13

Are uri ike xkijeq chik ub'ixkil: —Xwi a Daniel, jun chke i aj Judá chi je elsam li che kitinimit, lik kkojon ti chawe, Nim laj Winaq, man ku'an ti i taqanik chi elsam ub'ixkil, man qilom ku'an i oxmul ulapanik ru' u-Dios ij ij.

Oseas 5:11

I a Efraín lik o pa k'ax, lik xelsax i b'iroxik chi o te re che, man lik ukoch'im rib' che i terejik chkij i dios chi je saqil taj.

Miqueas 6:16

Man xa at teren chrij utaqanik xaq i wach taq ku'an i ma Omri xaq i ralk'uwal i ma Acab, xaq are ka'ano pacha kki'an ike. Rumali Yin kin-an ni chawe yet xaq chke awinaq jun utz ti laj k'ulmanik re xib'rikil xaq re yo'yanik, i k'ixb'alil re intinimit ktzaq ni pawi yet.”

Mateo 10:28

Mixij iwib' chke i ketiki chukamsaxik i ch'akul, xwiri iwanima ketiki ti che. Are, chixija iwib' che i Jun, chi o pu'ab' kusachsaj uwach i ch'akul xaq iwanima pa a'.

Lucas 12:5

Yin kinb'ij ni uri chiwe pachin che chixija wi iwib': Chixija iwib' uri che i Dios; man Ire we xixkamsaxik o pu'ab' kixuya pa a' chi ktoqowik ronojel ij saq.

Hechos 5:29

I ma Pedro xaq i jub'an chik apostolab' xkila' uwach chke: —Lik chqaqul o wi chi kojkojon che i Dios nab'e chkiwach i winaq.

1 Samuel 22:17

Are uri i ajawinel, xub'ij chke i kechajiw re: —¡Chikamsaj konojel i ajsujul sipon! Xaq ike kiya'om kiwach ru' ma David man keta'am chi ire ktijin u'anmajik, xwiri xkib'ij ti chwe. Xwiri mijun chke ajchajinel re i ajawinel xukowij rib' chkikamsaxik i ajsujul sipon re i Ajwal.