Ester 9:3 - Wuj Pa K'ubultzij

³ Konojel i aj-atol tzij re i jalajuj taq tinimit, aj-ok'al utzam i jalajuj taq tinimit chi lik nimaq xaq pa taq komon xaq jub'an chik chi lik nimaq kipatan, xekito aj Israel rumal kixib'rikil che ma Mardoqueo.

Ester 9:3 Iomraidhean Croise

Esdras 8:36

Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 8:17

Pa jalajuj taq tinimit xaq pa taq komon ipa kya' retamaxik i taqanik re i ajawinel, konojel aj Israel lik xekikotik xaq lik utz xkilo, rumali chi xki'an nima'ij xaq xkiyijb'a jalajuj taq ti'b'alil re kkitijo. Xwi ta la ile, lik je k'i i winaq pa tinimit chi je aj Israel taj xkiya kiwach ku', man lik kkixij kib' chke.

Ester 8:5

xub'ij che i ajawinel: —We yet nim laj winaq kumaj awach xaq we kakojo chi ni'pa kinb'ij le lik utz, xaq we lik saq laj tzij k'ax kinana'o i we nim rutzil ak'ux chwe, chtz'ib'ax ni uri jun taqanik chi kusachsaj uwach ronojel i atb'al tzij chi xuya kan ma Amán chi kuchupsaj kiwach konojel aj Israel chi je jeqel pa taq tinimit ipa kat-ajawin wi yet.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Daniel 3:2

Te'uri xutaq kisik'ixik konojel i aj-ok'al utzam i tinimit, i aj-atzil ke i winaq chi je yij che i ch'oj, je aj-ok'al utzam che taq ulew le, je ajpixb'anel, je ajk'olol pwaq, je aj-atol tzij, nimaq taq ajpatanib' xaq jub'an chik aj-atol tzij chi je o chwach ulew le, re kekila ujachik xaq uya'ik u'ij i nim laj k'exwach chi xutaq u'anik ire.