Ester 8:9 - Wuj Pa K'ubultzij

⁹ Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 8:9 Iomraidhean Croise

2 Reyes 18:26

Are uri ma Eliaquim, ma Sebna xaq ma Joa, xkila' uwach che ajpatan aj Asiria: —Cha'ana utzil chqe chi chatch'aw qu' pa ch'ab'al aj Aram man yoj kqata ile, xwiri moja'ijla pa Hebreo, man i winaq chi je o chila puwi i tapial nim uwach kkita.

SEGUNDO LIBRO DE CR%D3NICAS 15:10

Xkimol kib' chila pa Jerusalén are uchapom chub'i oxib' ik' re i jo'lajuj junab' rajawinik ma Asa;

Ester 1:1

I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,

Ester 1:22

Xutaq b'i wuj pa jalajuj taq tinimit chi ku'at tzij pkiwi, tz'ib'tal pkich'ab'al chrij pacha kech'aw i jalajuj taq tinimit le. Tz'ib'tal b'i taqanik chupam chi ronojel k-antaj na chrij pacha i taqanik chi kkiya i achiyab' chi taq kachoch.

Ester 10:1

I ma Asuero, chi ajawinel, xuya jun taqanik chi konojel i winaq chi je jeqel pa jalajuj taq tinimit xaq ulew chi o ya chrij chwach, kkitoj ni alkawal che.

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 6:1

I ajawinel ma Darío xuch'ik kij waqwinaq (120) je aj-ok'al utzam i jalajuj taq tinimit, man keje ile chkiqul o wi rilik i jalajuj taq k'ijib'al re ajawinik.

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,