Ester 8:8 - Wuj Pa K'ubultzij

⁸ Wo'or kinya pi'ab' chi chitz'ib'aj chupam jun wuj ronojel ni'pa kumaj iwach xaq ni'pa rajwaxik chi k-anik tob'al ke aj Israel, ronojel ile ki'an pinb'i yin. ¡Te'uri chinak'a b'i uk'exwach i b'aq re uwi u'ab' i ajawinel che i wuj le chi kitz'ib'aj! (Mijun kuchup uwach jun wuj we juch'um uwach rumal i ajawinel xaq we nak'tal uk'exwach i b'aq re uwi u'ab' i ajawinel che.)

Ester 8:8 Iomraidhean Croise

1 Reyes 21:8

Are uri i ati Jezabel juntir xutz'ib'aj jalajuj taq wuj pub'i ma Acab xaq xukoj b'i uretal i ajawinel che; te'uri xutaq b'i chke i je uwi ujolom, xaq chke i je aj-atzil chi je o pa tinimit ipa o wi ma Nabot.

Ester 1:19

Rumali we kumaj awach yet, nim laj winaq, chaya ni retamaxik i taqanik xaq chtz'ib'ax ni chwach i wuj ipa tz'ib'tal wi ki'atb'al tzij aj Persia xaq aj Media, man keje ile, kelsax taj: “Ati Vasti chi ajawinel, lik mijuyak kupon chik chwach i ajawinel.” Xaq upatan chi ajawinel, chya' ni che jun chik ixoq chi lik kmajaw che.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 8:10

I ajawinel ma Asuero xujuch' b'i uwach ronojel i wuj le, xaq xunak' b'i uk'exwach i b'aq re uwi u'ab' che, te'uri xkiya b'i chke jub'an achiyab' ajjachol wuj chi je ajrij taq kaway re i ajawinel, chi lik kkich'ij b'e.

Ester 8:5

xub'ij che i ajawinel: —We yet nim laj winaq kumaj awach xaq we kakojo chi ni'pa kinb'ij le lik utz, xaq we lik saq laj tzij k'ax kinana'o i we nim rutzil ak'ux chwe, chtz'ib'ax ni uri jun taqanik chi kusachsaj uwach ronojel i atb'al tzij chi xuya kan ma Amán chi kuchupsaj kiwach konojel aj Israel chi je jeqel pa taq tinimit ipa kat-ajawin wi yet.

Daniel 6:8

Rumal uri, lik chatz'ib'aj xaq chajuch'u uwach ru' a'ab' man keje ile kjalwachix taj chrij pacha ki'atb'al tzij aj Media xaq i aj Persia, chi lik kchupsax ti uwach.

2 Timotéo 2:19

Xwiri i Dios uya'om i saq laj tzij chqe chi lik ksach ti uwach. Chupam uwuj i Dios keje iri kub'ij: “I Ajwal reta'am pachin i je re ire.” Keje ile tz'ib'talik; “Konojel ni'pa i kkikoj u'ij ub'i i Ajwal, mki'an uri ni'pa i utz taj.”