Ester 8:10 - Wuj Pa K'ubultzij

¹⁰ I ajawinel ma Asuero xujuch' b'i uwach ronojel i wuj le, xaq xunak' b'i uk'exwach i b'aq re uwi u'ab' che, te'uri xkiya b'i chke jub'an achiyab' ajjachol wuj chi je ajrij taq kaway re i ajawinel, chi lik kkich'ij b'e.

Ester 8:10 Iomraidhean Croise

1 Reyes 21:8

Are uri i ati Jezabel juntir xutz'ib'aj jalajuj taq wuj pub'i ma Acab xaq xukoj b'i uretal i ajawinel che; te'uri xutaq b'i chke i je uwi ujolom, xaq chke i je aj-atzil chi je o pa tinimit ipa o wi ma Nabot.

1 Reyes 4:28

Xaq o chkiqul uk'amik li cebada xaq i k'im chi kkitij i kaway, xaq i kkitij i jub'an chik kaway chi je aj-eqan. Kkik'am b'i ile chila ipa o wi i ajawinel are kuriq i ik' chi o chkiqul kki'an i chak chkijujunal.

SEGUNDO LIBRO DE CR%D3NICAS 30:6

Keje uri ile, chi xe'e i je ajb'il tzij pa jalajuj taq tinimit Israel xaq pa jalajuj taq tinimit Judá kok'am b'i i wuj re i ajawinel xaq ke i rajpatanib', man kkib'ij i taqanik re i ajawinel, chi keje iri kub'ij: “Ix aj Israel: Chixkojon chik che i Ajwal, chi ki-Dios ma Abraham, ma Isaac xaq ma Israel; man keje ile ire kk'iji chik chixol yix chi xix-anmaj pki'ab' i ajawinelab' aj Siria.

Ester 8:8

Wo'or kinya pi'ab' chi chitz'ib'aj chupam jun wuj ronojel ni'pa kumaj iwach xaq ni'pa rajwaxik chi k-anik tob'al ke aj Israel, ronojel ile ki'an pinb'i yin. ¡Te'uri chinak'a b'i uk'exwach i b'aq re uwi u'ab' i ajawinel che i wuj le chi kitz'ib'aj! (Mijun kuchup uwach jun wuj we juch'um uwach rumal i ajawinel xaq we nak'tal uk'exwach i b'aq re uwi u'ab' i ajawinel che.)

Job 9:25

I ij re ink'aslemal lik juntir kik'awik pacha jun urep ray; lik xril tu b'i i kikotemal.

ECLESIASTÉS 8:4

I utzij i ajawinel lik o ucho'ab' re k'isb'al tzij, xaq mijun o pu'ab' kutz'onoj che wach i ku'ano.

ISAÍAS 60:6

K'iyal taq tzob'aj kamey kkisutij ni awij, kipetik pa tinimit Madián, xaq pa tinimit Efa, kek'un konojel ni'pa i je aj Sabá, chi keqam li an-o'oj xaq i incienso xaq kkitzijoj ni ronojel ni'pa i chomiq taq anik re i Ajwal.

ISAÍAS 66:20

Kki'an na chi kek'un konojel i jalajuj nimaq taq tinimit, xaq konojel iwach aj tinimit yix, kek'un ni rij taq kaway, pa taq ch'ich', pa taq kareta, chkij taq mulib' xaq chkij taq kamey. Lik are ni jun sipon chwe Yin chila pa Jerusalén chi are lo'laj injyub', pacha i sipon chi kkik'am li aj Israel chupam i ch'am laj tu'b'al chinwach Yin waral pwachoch. Yin chi in Ajwal, xinb'iw ile.

JEREMÍAS 2:23

¿B'uchak uri kab'ij chi: “Intz'itajnaq taj xaq inkojom ti ki'ij i tiox chi nti ki'ij”? Chk'un chak'ux wach xa'an chila chwa ta'aj, lik chakojo retalil ronojel ni'pa i xa'ano, chi pacha taq ati kamey chi to' krikikik xaipa k-e wi.

JEREMÍAS 51:21

Katinchapb'ej na re keinmutma i kaway, xaq i winaq chi je ajrij taq kaway, ch'ich' re b'inb'al xaq i je aj-ok'anel ch'ich' le.

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 6:8

Rumal uri, lik chatz'ib'aj xaq chajuch'u uwach ru' a'ab' man keje ile kjalwachix taj chrij pacha ki'atb'al tzij aj Media xaq i aj Persia, chi lik kchupsax ti uwach.