Ester 7:8 - Wuj Pa K'ubultzij

^8-9 Chrijil chik ile, i ajawinel xtzalij chik chila ipa xkitij wi kiwa, are uri xrilo chi ma Amán xukul chuxukut i tz'alam ipa kotz'ol wi ati ajawinel, are uri xsik'in chub'ixkil i tziji: —¿Xatab'a kawaj uqajsaxik u'ij ati ajawinel chi wachoch, xaq lik chinwach? I ajawinel are xuk'is ub'ixkil i tzij le, jujun chke i ajpatanib' chi kkichajij i ajawinel, xkich'uq upalaj ma Amán ru' jun k'ul. Are uri ma Harbona chi are jun chke achiyab' le, xub'ij: —I ma Amán uyijb'am jun jitz'b'al chila chi rachoch chi o kajlajuj xik'ab' che unajtil rij, chi xutaq uyijb'axik kamsab'al re ma Mardoqueo, chi are jun achi chi xuya utzijol chawe wach kak'ulmaj te'eq, Nim laj Winaq. Are uri i ajawinel xuya i taqaniki: —¡Chik'ama b'i ma Amán xaq chila chitzayb'a anoq!

Ester 7:8 Iomraidhean Croise

Ester 1:5

chrijil chik ile, i ajawinel le xutaq uyijb'axik jun chik nima'ij chwaja ipa o wi i tikb'al kotz'ij chwach i nim laj rachoch i ajawinel, chi wuqub' ij xuch'ijo. Konojel ni'pa je jeqel chila pa tinimit Susa, kjeqan ku' i nimaq ki'ij xaq ni'pa i nimaq ti ki'ij, xesik'ix che i nima'ij le.

Ester 1:6

I uwaja le lik wiqtal ru' kortin saq xaq xar chi paqal rajil, ximtal upam ru' jalajuj taq yut'b'al lino chi púrpura ktzunik, chi ik'awsam chuxol i sotsaq ch'ich' saq-o'oj xaq tzayb'am che raqan ja chi re mármol. Xaq o kub'ib'al chi lik utz uxlanem chupam chi antal che an-o'oj xaq saq-o'oj, i uwach ulew kikojom ab'aj chi lik paqal rajil are i nácar xaq i mármol saq xaq eq.

Ester 6:12

Are xutzin i malkatik che i k'ijib'al nim re i tinimit, are uri ma Mardoqueo x-e chik pa kulem xol uchija re i nim laj rachoch i ajawinel. I ma Amán lik kb'isonik x-e pa'anem chi rachoch xaq xuch'uq b'i upalaj ru' jun k'ul.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Job 9:24

Keuya i winaq pki'ab' i itzel laj taq winaq, xaq kutz'apij kib'a'wach i aj-atol tzij chke. ¿Pachin uri k-anaw ile, we are ti Dios?

ISAÍAS 22:17

I Ajwal katujab'ij k'a naj, pacha ku'an jun achi chi lik o ucho'ab'. Katuchap ni ru' nim laj ucho'ab',

ISAÍAS 49:23

I ajawinelab' je are ni aqajawb'al xaq i kimi'al i ajawinelab' je are ni ike keilaw awak'al. Kexuki na xaq kkiqajsaj ni kipalaj k'a chwach ulew chawach yet, xaq kkiri' ni uk'aj ulew che i awaqan. Xaq kawetamaj na chi yin in Ajwal, xaq ni'pa i kkikub'a kik'ux chwe Yin kkiya ti kik'ix.”

AMÓS 3:12

Keje iri kub'ij i Ajwal: “Keje pacha i ajyu'ul chij chi kresaj li keb' aqanij o we utzam jun xikinaj puchi' i koj, keje uri k-on i ki'anmajik i aj Israel ile chi je jeqel pa Samaria, ike le chi kki'ayb'a kib' che chomiq taq kotz'ib'al re i Damasco.”

Marcos 14:65

Je o jujun xkijeq uchub'axik upalaj, xaq xkich'uq upalaj che te'uri xkich'ayo. Are uri xkitz'onoj che: —Chab'ij pe ¿pachin taq xatch'ayawik? —Xecha. Xaq keje xki'an i chajinelab' re i rachoch i Dios xkich'ay i Jesús che upalaj ru' mo'lem ab'.