Ester 7:4 - Wuj Pa K'ubultzij

⁴ man yin xaq konojel inwinaq oj k'ayim che i kamik, man keje ile qonojel kchupsax ni qawach. Wetene to' oj k'ayim re kki'an taq winaq chqe chi oj o pa k'ax pu'ab' i rajaw qachak, yin nti neri kinb'ij; man i ajch'oj chqij nti neri jun k'ax ku'an che ni'pa i kawaj u'anik yet nim laj winaq.

Ester 7:4 Iomraidhean Croise

NEHEMÍAS 5:5

“Yoj xaq i qach aj tinimit oj xaqjun chi lemajil; i qak'al yoj xaq i kak'al ike lik rajwaxik chi junam kilik k-anik man je xaqjun. Tupu, yoj keqaya ni qami'al qalk'uwal chi k-an ni mokom chke chi je o pu'ab' kajaw. Saq laj tzij chi o chik jujun chke qami'al chi je mokom chik, lik nti pqa'ab' chi keqesaj che ile, man i qulew xaq i qatikanb'al ya o chik pu'ab' jun chik.”

Ester 3:13

Chrijil chik ile, xtaq b'i chke ajk'amol b'i wuj man kkijach pa jalajuj taq tinimit ipa ku'at wi tzij i ajawinel ma Asuero. Chupam i wuj le ktaq uchupik kiwach konojel aj Israel, che jun chi ij konojel aj Israel, alab'om, rijab', ak'alab' xaq ixoqib', xaq kk'am ronojel ub'itaq ke. I ij ch'iktalik are i ij oxlajuj re i kab'lajuj ik', ile are ik' chi Adar ub'i.

Ester 3:9

Rumali we kumaj awach yet, Nim laj Winaq, chaya uri jun taqanik chi kub'ij chi kchup ni kiwach konojel; yin kinya ni oxwinaq wajxaqlajujmo' (7,260) tintal saq-o'oj chila ipa o wi ub'eyomal i ajawinel.

Ester 7:5

Are uri i ajawinel ma Asuero xutz'onoj: ¿Pachinoq, xaq ipa o wi i winaq le chi kraj u'anik i tzel laj ch'ob'onik le?

Ester 7:6

Are uri i ati ajawinel Ester xub'ij: —I ajch'oj chqij chi kraj kojukamsaj, are ma Amán. I ma Amán are xuta ile, lik xtak'i kan chila rumal uxib'rikil chwach i ajawinel xaq chwach ati ajawinel Ester.

Ester 8:11

Chupam i wuj le i ajawinel ma Asuero, xuya i taqanik chke aj Israel, chi pa jalajuj taq tinimit ipa je jeqel wi, chkimolo kib' chuto'ik kik'aslemal xaq chkikamsaxik, chuchupik kiwach i ajch'oj chkij, xaq chkik'ama kan ronojel ub'itaq ke i winaq re i jalajuj taq tinimit, komon, chi kki'an ch'oj chkij xaq chkikamsaj ni konojel ixoqib' junam ku' ak'alab'.

Ester 8:6

¿Wach uch'ijik kin-an yin uri, we kekamsax konojel inwinaq, xaq we kchupsax kiwach i walk'uwal?

Ester 9:25

Xwiri are xupon ati Ester chwach i ajawinel chub'ixkil che chi chsachsax ni uwach i itzel laj atb'al tzij chi xu'an kan ma Amán xaq mekamsax aj Israel, are uri i ajawinel xutaq utz'ib'axik chi ni'pa i utz taj chi uch'ob'om ma Amán chkij aj Israel, chtzaq ni chrij ire junam ku' i ralk'uwal xaq chetzayb'ax ni che jitz'b'al chi xutaq uyijb'axik.

Daniel 6:2

Chkiwach ike le xeukoj oxib' ajk'ak'alinel ke, man keje ile kretamaj wach taq i chak kki'an i aj-ok'al utzam i jalajuj taq tinimit, man keje ile i ajawinel lik mijun utz taj kuk'ulmaj. Jun chke ajk'ak'alinel ke are a Daniel,

Joel 3:6

Xeik'am b'i naj i winaq re i tinimit Judá, i winaq re Jerusalén, i xeik'ayij chke aj Grecia re i kimokom chi je o pu'ab' i kajaw.

AMÓS 2:6

Keje iri kub'ij i Ajwal: I je aj Israel ki'anom uk'iyal mak atzalal chi lik kinmayij ti uya'ik utojb'alil chke; man kkik'ayij jun winaq chi nti umak, xaq kkijalwachij jun nib'a' chwach jun molaj xajab'.

Lucas 12:45

Xwiri we i umokom le, xa kuch'ob' na chi rajaw uchak we' taj ktzalij chaloq, moqxa kujeq kich'ayik i rach ajchakib', i to' kuch'ob' uwa'im xaq i wach kutu'u, xaq wach taq k-ab'ar ru'.

Deuteronomio 28:68

Tupu i Ajwal xub'ij chawe chi kattzalij ti chik che i b'e chi k-e pa Egipto, xwiri i Ajwal le ku'an ni chawe chi kat-e chik chila, katuk'am nu b'i pa barco xaq katuk'ayij ni chke ajch'oj chawij pacha at winaq chi at o pa k'ax rumal rajaw achak xwiri lik mijun katlo'owik.

JOSUÉ 9:23

Rumali wo'or kixkanaj puyej ronojel ij saq, ix aj-ilol ni si' xaq ix aj-erel ni ya re jalajuj taq chak re rachoch in-Dios.

1 Samuel 22:23

Xwiri chatkanaj wu' yin xaq maxij awib' man pachin jun kraj akamsaxik yet xaq kraj uri inkamsaxik yin. Chi wu' yin nti kak'ulmaj.