Ester 7:10 - Wuj Pa K'ubultzij

¹⁰ Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Ester 7:10 Iomraidhean Croise

GÉNESIS 40:22

Xwiri i ajya'ol kaxlanwa xtaq ujitz'axik pacha xsaqix che rumal a José.

Ester 2:1

X-on panoq are ik'awnaq chik roywal i ajawinel ma Asuero, xk'un chuk'ux wach x-on ati Vasti xaq wach taq i taqanik chi xwalij chrij.

Ester 5:14

Are uri ati Zeres chi rixoqil xaq konojel i ramiy, xkib'ij che: —Chataqa uyijb'axik jun jitz'b'al re chi kaya kajlajuj xik'ab' unajtil rij, te'uri chweq we' tan, chab'ija che i ajawinel chi chkitzayb'a an ma Mardoqueo che. Keje ile are kat-e pa wa'im ru' i ajawinel lik nti katk'achir che —xecha. I ch'ob'onik le lik utz xuta ma Amán, rumali chi xutaq uyijb'axik i jitz'b'al.

Ester 7:7

Te'uri i ajawinel, ma Asuero, ru' jun nim laj roywal xwalij b'i che uk'ijib'al ipa ketijin wi chwa'im, x-e chila ipa o wi tikb'al kotz'ij re i nim laj rachoch. Xwiri ma Amán are xunab'ej chi i ajawinel xutaq ukamsaxik ire, are uri xkanaj chila ipa ketijin wi te'eq che i wa'im chub'ixkil che ati ajawinel chi kch'aw chrij man keje ile kkamsax taj.

Ester 7:8

Chrijil chik ile, i ajawinel xtzalij chik chila ipa xkitij wi kiwa, are uri xrilo chi ma Amán xukul chuxukut i tz'alam ipa kotz'ol wi ati ajawinel, are uri xsik'in chub'ixkil i tziji: —¿Xatab'a kawaj uqajsaxik u'ij ati ajawinel chi wachoch, xaq lik chinwach? I ajawinel are xuk'is ub'ixkil i tzij le, jujun chke i ajpatanib' chi kkichajij i ajawinel, xkich'uq upalaj ma Amán ru' jun k'ul. Are uri ma Harbona chi are jun chke achiyab' le, xub'ij: —I ma Amán uyijb'am jun jitz'b'al chila chi rachoch chi o kajlajuj xik'ab' che unajtil rij, chi xutaq uyijb'axik kamsab'al re ma Mardoqueo, chi are jun achi chi xuya utzijol chawe wach kak'ulmaj te'eq, Nim laj Winaq. Are uri i ajawinel xuya i taqaniki: —¡Chik'ama b'i ma Amán xaq chila chitzayb'a anoq!

Ester 8:7

Are uri ma Asuero chi ajawinel, xub'ij che ati ajawinel Ester, xaq che ma Mardoqueo chi aj Israel: Yin xinya i rachoch ma Amán che ati Ester, i ma Amán le, xintaq utzayb'axik che i jitz'b'al man rumal xuch'ob' kikamsaxik aj Israel.

Ester 9:14

Are uri i ajawinel xuya chik i taqanik chrij pacha xub'ij ati Ester che. I taqanik le xya' chik utzijol chila pa tinimit Susa xaq xetzayb'ax i lajuj uk'ojol ma Amán chi je kamnaq chik.

Ester 9:25

Xwiri are xupon ati Ester chwach i ajawinel chub'ixkil che chi chsachsax ni uwach i itzel laj atb'al tzij chi xu'an kan ma Amán xaq mekamsax aj Israel, are uri i ajawinel xutaq utz'ib'axik chi ni'pa i utz taj chi uch'ob'om ma Amán chkij aj Israel, chtzaq ni chrij ire junam ku' i ralk'uwal xaq chetzayb'ax ni che jitz'b'al chi xutaq uyijb'axik.

Job 18:8

Koksax ni jun k'at pub'e, xaq chupam i k'at le kch'api wi kanoq.

Job 20:8

Ksach ni uwach pacha jun achik' xaq pacha jun b'iroxik chi kawil pawach, lik mijun chik kriqawik.

Salmos 37:15

Xwiri i kich'ich' le chi o uware k'ulala, lik chwach ni kik'ux ike kch'api wi, xaq i kich'ab' lik mutmut ke'ono.

Salmos 7:16

Ni'pa i utz taj xaq ni'pa i kamsanik chi ku'ano, lik puwi ni ire ktzaq wi.

Salmos 94:23

I Ajwal ku'an ni chke i itzel laj taq winaq chi kchup ni kiwach rumal i kimak. ¡I qa-Dios lik kuchup ni kiwach!

Proverbios 11:27

I jun chi kterej chrij i utz, lik utz uri k-ilik; xwiri i jun chi kterej chrij i utz taj, lik utz ti uri k-ilik.

Proverbios 11:8

I Dios kuto ni utz laj winaq chwach i k'ax, xaq kuya i tojb'alil chke i je utz ti laj taq winaq.

Proverbios 26:27

I winaq chi kuk'ot jun jul, chupam i jul le ktzaq wi, xaq i jun chi kub'alk'atij b'i jun ab'aj, xa chrij ire ktzaq wi.

JEREMÍAS 34:17

Keje uri ile, Yin, chi in Ajwal, kinb'ij: Yix xixkojon ti chwe man xeiwo'taj tu b'i iwinaq chi je o pa k'ax; rumali wo'or Yin kin-an na chi kjeqan ni nim laj ch'oj chixol, wa'jal xaq yob'il, man keje ile lik kkiya ni jun nim laj xib'rikil chiwe xaq che ronojel ni'pa i ajawinik chwach i jyub' ta'aj. Yin in Ajwal, xinb'iw ile.

Ezequiel 5:13

Are uri kwesaj li woywal; kin-an na chi kkub'i uk'ux i woywal chkij ike, keje ile kkub'i ni ink'ux. Are wesam chik i woywal chke, kketamaj na chi Yin in Ajwal are xinb'ij ile rumal woywal rumal keterej chrij jun chik.

Daniel 6:24

Te'uri, ru' utaqanik i ajawinel, xek'am li i achiyab' chi xkikoj umak ma Daniel, junam ku' kixoqil xaq ku' i kak'al xek'aq b'i pa jul ku' i koj; lik k'amaja ne keqaj k'a chuxe' i jul i koj lik xkik'aq an kib' chkij i lik xki'an ch'aqa taq chke.

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

ZACARÍAS 6:8

Chrijil iri, i ángel xsik'in chwe: “¡Chawila pe', i jub'an chi xe'e pa tinimit moxab' kkiqajsaj roywal i Ajwal che i tinimit le!”

Jueces 15:7

Are uri a Sansón xub'ij chke: —Rumal ni'pa i xi'ano le, ¡Lik kinsaqij chiwe chi lik kinuxlan taj k'a kitoj ni chwe iwonojel!