Ester 6:3 - Wuj Pa K'ubultzij

³ Are uri i ajawinel xutz'onoj: —¿Wach xya' che ma Mardoqueo xaq wach u'ij xya'ik rumal ile? I ajpatanib' xkib'ij che: —Lik ntaj, nim laj winaq.

Ester 6:3 Iomraidhean Croise

GÉNESIS 40:23

Xwiri i ajya'ol uwa'al uva muqb'am lik xk'un ti chik a José chuk'ux.

PRIMER LIBRO DE CR%D3NICAS 11:6

Ma David xub'ij: “I nab'e winaq chi ku'an ch'oj chkij aj Jebús, kinya ni pa aj-atzil pkiwi konojel aj-atzil.” I nab'e winaq chi xu'an ch'oj, are ma Joab chi ralab' ati Sarvia, rumali chi xya' kan pa aj-atzil pkiwi konojel aj-atzil.

Ester 6:2

Chupam i wuj le xriqtaj wi chi ma Mardoqueo xretamaj xaq xuya utzijol chi ma Bigtán xaq ma Teres, aj-atzil chke i kechajiw i okb'al che i rachoch i ajawinel, kkaj ukamsaxik i ajawinel ma Asuero.

Ester 6:4

Che i or le xok b'i ma Amán che i k'ijib'al chwach i rachoch i ajawinel, man kub'ij che chi chtzayb'ax ma Mardoqueo che jun jitz'b'al chi utaqom uyijb'axik. I ajawinel xutz'onoj: —¿Pachin o chwaja?

ECLESIASTÉS 9:15

Chupam i tinimit le jeqel wi jun achi nib'a', xwiri lik o uno'oj chi ru' uno'oj le xtiki chrelsaxik i tinimit chwach i kamik, xwiri lik mijun kkuxtaw i achi le.

Daniel 5:16

Xwiri, intom kb'ixik chi yet kasaqij wach i ktataj ti ub'e xaq kattiki chusaqixik i k'ax ktay ub'e. We yet kattiki chrajlaxik i tzij le xaq kab'ij chwe wach ke'eloq kin-an ni chawe chi koksax a'u' kaqxar, koksax jun karena an-o'oj che aqul xaq katk'iji ni che urox k'ijib'al re inrajawinik.

Daniel 5:29

Te'uri i ajawinel Belsasar xutaq ukojik u'u' a Daniel ru' i k'ul re kaqxar xaq kkikoj jun karena re an-o'oj chuqul, xaq xutaq ub'ixkil chke konojel, chi che i or le, a Daniel kya' ni urox k'ijib'al che re aj-ok'al utzam i ajawinik.

Daniel 5:7

Te'uri xok chi sik', xeusik'ij i ajnanel o i kino'oj xaq i jub'an aj Babilonia chi keta'am wach ki'anom i ch'umil, xaq xub'ij chke: —Pachin krajlaj ile chi tz'ib'talik, xaq kub'ij chwe wach kraj ub'ixkil, lik koksax ni u'u re kaqxar, kukoj nu b'i jun karena an-o'oj chuqul i kya' ni che urox k'ijib'al re i inrajawinik.