Ester 5:1 - Wuj Pa K'ubultzij

¹ Oxib' ij rik'awik ile, ati Ester xukoj u'u' chi kkikoj ixoqib' ajawinelab', te'uri xok b'i pa nim laj ja k'a chwaja re i ajawinel, xtak'i chila chwach uchija ipa kul wi i ajawinel chupam ukub'ib'al chi o u'ij.

Ester 5:1 Iomraidhean Croise

Ester 1:11

man kkik'am b'i ati Vasti chi ukojom i koron chi lik chom, chila ipa ktijin wi i ajawinel chu'anik i nima'ij, man keje ile konojel i winaq chi nimaq kipatan, xaq i winaq re i tinimit, kkil ni uchomal, man saq laj tzij, chi lik chom laj ixoq.

Ester 2:5

Chila pa tinimit Susa, jeqel jun achi aj Israel chi ma Mardoqueo ub'i, chi uk'ojol ma Jair, chi umuq uxikin ma Simei xaq re ma Cis, chi re utzob'ajil ma Benjamín.

Ester 4:11

“Konojel ni'pa kki'an kipatan chrij i ajawinel xaq konojel i winaq chi je o pa jalajuj taq tinimit ipa ku'at wi tzij ire, keta'am chi o jun atb'al tzij chi kusaqij i kamik che jun achi xaq che jun ixoq chi to' kok b'i pa ja chila pa nim laj rachoch i ajawinel chi kerila taq i sik'tal ti rumal ire, i winaq kkuytaj ni umak, kelsax ti uk'aslemal we i ajawinel kuyak an uch'amiy an-o'oj sik'b'al re i winaq le. Xwiri yin, jun ik' iri chi in sik'tal ti rumal i ajawinel.”

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

Ester 4:17

Keje uri ile chi ma Mardoqueo x-e pa tinimit xaq xu'an ronojel ni'pa xb'ix che rumal ati Ester.

Ester 6:4

Che i or le xok b'i ma Amán che i k'ijib'al chwach i rachoch i ajawinel, man kub'ij che chi chtzayb'ax ma Mardoqueo che jun jitz'b'al chi utaqom uyijb'axik. I ajawinel xutz'onoj: —¿Pachin o chwaja?

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

Mateo 10:16

Chita pe', yin kixintaq b'i yix chkixol i je ajch'oj chiwij; ix pacha chij chkixol i utiw. Chi'ana kwent iwib', pacha ku'an jun kumatz, kuya ti rib' che i jun. Xwiri xaq chi'ana utz che iwib' pacha kki'an i palomax.

Mateo 11:8

¿Wach uri xix-e chrilik? ¿Xatab'a xix-e chrilik jun achi, chom uwiqik u'anom che rib'? Are taj. Ni'pa i o ki'u' chom chi lik paqalik, ne te o pa ta'aj tz'inilik jyub' chaqij, lik je jeqel prachoch i ajawinel.

Mateo 27:64

Rumali chataqa uchajixik i jul pa muqtal wi, k'a churox ij. Moqxa kek'un utijoxelab' cha'ab', kkel-aj b'i uch'akul, te'uri kkib'ij chke i winaq, chi walijnaq chik. We keje kki'an ni ike ile, i t'oronik le mas nim na chwach i jun chi ub'im kan i achi. Keje ile xkib'ij che i ma Pilato.

Lucas 22:30

Kitij i wa, kitu' i uwa'al uva chi muqb'am chwi inmexa pa wajawinik. Kixkub'i ni pa kub'ib'al chi o u'ij, xaq ki'an atb'al tzij pkiwi i kab'lajuj tzob'ajil aj Israel winaq.” Xcha i Jesús chke.

Apocalipsis 3:21

Ni'pa i kkiqajsaj ucho'ab' Itzel, kinya chke kekub'i ni pintzal pa inkub'ib'al chi o u'ij. Keje pacha xin-an yin, xinqajsaj ucho'ab' Itzel, xaq xinkub'i chik putzal Inqajaw pa kub'ib'al chi o u'ij.