Ester 4:8 - Wuj Pa K'ubultzij

⁸ Xaq xujach jun uk'exwach wuj che re i taqanik chi xya' retamaxik pa tinimit Susa ipa xya' wi retamaxik chi kchup ni uwach i tinimit, man kuya che ati Ester, man keje ile kretamaj ni ronojel ni'pa ktijin uk'ulmaxik. Xaq ma Mardoqueo le xutz'onoj utzil che ati Ester chi kelapan ru' i ajawinel xaq chutz'onoj utzil che chi keuto uwinaq.

Ester 4:8 Iomraidhean Croise

Ester 2:20

Lik pacha upixb'axik x-ani rumal ma Mardoqueo, ati Ester usaqim taj ipa kpe wi xaq pachike taq alk'uwal kpe wi, ire ktijin chu'anik chrij pacha b'ital che rumal ma Mardoqueo, are o te'eq chuqul rilik.

Ester 4:9

Are uri ma Hatac xtzalij chik chila ipa o wi ati Ester, xulap che wach xb'ix che rumal ma Mardoqueo.

Ester 8:6

¿Wach uch'ijik kin-an yin uri, we kekamsax konojel inwinaq, xaq we kchupsax kiwach i walk'uwal?

Job 9:15

Tupu lik nti inmak, lik kinla' ti uwach che i Dios, man are Ire atol tzij pinwi, xwi kintz'onoj che chi kril tob'al inwach.

Salmos 122:6

Iwonojel yix chib'ij ru' ronojel ik'ux: “Lik ch-ol ni chomb'al ib' chawe yet tinimit Jerusalén, lik che'el ni chisaq konojel ni'pa i k'ax katkina'o.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

ECLESIASTÉS 10:4

I jun chi k-ataw tzij we xpe roywal chawe, msach anojb'al, man i kunb'al re i nimaq taq utz taj are utayik ub'e i utz.

Hechos 12:20

X-on panoq i ma Herodes xpe roywal chke i winaq aj Tiro xaq chke aj Sidón. Rumali ike le, xkiyijb'a chkiwach chi konojel is keupon ni chwach ma Herodes. Are uri xetiki chuqajsaxik uk'ux ma Blasto chi jun nim laj ajpatan chrij i ajawinel ma Herodes. Rumali xkitz'onoj utzil che chi kukoj kitzij chwach ma Herodes, chomsab'al kib' ru', man i keb' tinimit le chila putinimit i ajawinel le kpe wi kiwa.

1 Timotéo 6:13

Wo'or chwach i Dios chi kyaw i k'aslemal che ronojel wach i olik; xaq kinb'ij ni chawe chwach i Jesucristo chi xuxij ti rib' chub'ixkil i saq laj tzij chwach i ma Poncio Pilato.

1 Timotéo 6:17

Ni'pa i b'eyomab' waral chwach i jyub' ta'aj, chab'ij chke mkikoj ki'ij, xaq mkikub'a kik'ux che ub'itaq ke man ile knajtin taj. Are i chki'ana, chkikub'a kik'ux che i Dios k'aslik. Are Ire kyaw ronojel i rajwaxik chqe xaq upaxsam uwach man ru' ile k-on chqe chi kojkikotik.