Ester 4:5 - Wuj Pa K'ubultzij

⁵ Are uri ati Ester, chi ati ajawinel, xusik'ij ma Hatac, chi aj-atzil chke i chajinel re i ajawinel, xutaq b'i chrilik ma Mardoqueo chutz'onoxik che wach taq ktijin uk'ulmaxik xaq b'uchak ktijin chu'anik ronojel ile.

Ester 4:5 Iomraidhean Croise

Ester 1:10

Che uwuq ij re i nima'ij, i ajawinel lik kkikotik rumal utu'ik i uwa'al uva muqb'am, xutaq b'i ma Mehumán, ma Bizta, ma Harbona, ma Bigta, ma Abagta, ma Zetar xaq ma Carcas, wuqub' achiyab' chi xelsax kikowil chke,

Ester 1:12

Xwiri ati ajawinel le, xuqel i taqanik chi xuya i ajawinel chke achiyab' chi elsam kikowil chke. Rumali chi i ajawinel lik xpe jun nim laj roywal.

Ester 4:10

Are uri ati Ester xutaq chub'i ma Hatac chub'ixkil iri che ma Mardoqueo:

Ester 4:4

I rajke'elab' ati Ester xaq i achiyab' chi elsam kikowil chi kechajiwik, xkib'ij che wach ktijin uk'ulmaxik. Are uri ati Ester chi ajawinel, xpe jun nim laj ub'is xaq xutaq b'i u'u' ma Mardoqueo man kresaj i as chi ukojom, xwiri ire xraj taj.

Ester 4:6

Are uri ma Hatac x-e pa lapanik ru' ma Mardoqueo chi o chila che i k'ijib'al nim re i tinimit, chi o chwach i uchija re i nim laj rachoch i ajawinel;

Ester 4:9

Are uri ma Hatac xtzalij chik chila ipa o wi ati Ester, xulap che wach xb'ix che rumal ma Mardoqueo.

Romanos 12:15

We jun kikotik, chixkikot ru'; we jun ko'ik, xaq chixo' yix ru'.

1 Corintios 12:26

We o k'ax che jun qaqan xaq we che jun qa'ab', lik ronojel i qach'akul kuna uk'axk'ol. Xaq keje ile, we xya' u'ij i qaqan o qa'ab', xaq lik kkikot uri ronojel i qach'akul.

Filipenses 2:4

Chitzukuj upetsaxik i utz pkiwi i jub'an, mi'an ile chi xwi piwi yix kiwaj i utz.

Hebreos 4:15

Are Ire, are jun atz laj rajpatan i Dios chi kril tob'al qawach, man reta'am xa oj winaq chi nti qas qacho'ab'. Xaq Ire ktzaqsax te'eq chupam i mak atzalal, pacha taq i tzaqsab'al chi kojik'aw wi yoj, xwiri, Ire nti jun umak xu'ano.