Ester 4:4 - Wuj Pa K'ubultzij

⁴ I rajke'elab' ati Ester xaq i achiyab' chi elsam kikowil chi kechajiwik, xkib'ij che wach ktijin uk'ulmaxik. Are uri ati Ester chi ajawinel, xpe jun nim laj ub'is xaq xutaq b'i u'u' ma Mardoqueo man kresaj i as chi ukojom, xwiri ire xraj taj.

Ester 4:4 Iomraidhean Croise

GÉNESIS 37:35

Konojel uk'ojol xaq konojel umi'al kkiyu'uj uxikin xwiri ire xraj taj chi kyu'ux uxikin man xub'ij: “Yin lik kinb'ison ni che ink'ojol, k'ate kinmayij la we xinkamik.” Xcha. Rumali mam Jacob xumayij ti o'ej che uk'ojol.

2 Reyes 9:32

Ma Jehú xtaqen pan pa wantana, xub'ij: —¿Pachin kuya uwach wu' yin? Are uri keb' oxib' i aj-atzil ke achiyab' chi je o pa nim laj rachoch i ajawinel, xkitaqej panoq.

Ester 1:12

Xwiri ati ajawinel le, xuqel i taqanik chi xuya i ajawinel chke achiyab' chi elsam kikowil chke. Rumali chi i ajawinel lik xpe jun nim laj roywal.

Ester 4:3

Xaq keje ile xki'an pa jalajuj taq tinimit ipa xupon wi i taqanik re i ajawinel, rumali xpe jun nim laj k'achirik chkixol aj Israel, konojel xkisaqij kib'is man xkimayij utijawik kiwa, xe'o'ik xaq xesik'inik, je k'i chke xekotz'i puwi i chaj xaq xkikoj ki'u' as.

Ester 4:5

Are uri ati Ester, chi ati ajawinel, xusik'ij ma Hatac, chi aj-atzil chke i chajinel re i ajawinel, xutaq b'i chrilik ma Mardoqueo chutz'onoxik che wach taq ktijin uk'ulmaxik xaq b'uchak ktijin chu'anik ronojel ile.

Salmos 77:2

Are kinb'isonik lik kintzukuj i Ajwal, xaq lik kinmayij ti uyakik in-ab' chikaj chutz'onoxik che i Dios kok taq a'ab'; xwiri wanima kuriq ti uxlanem.

ISAÍAS 56:3

Jun aj naj we kujach rib' pu'ab' i Ajwal, rajwaxik chi kub'ij ti keje iri: “I Ajwal junla na kinuya wi chkiwach utinimit.” Xaq mitene i elsam ukowil che kub'ij taq keje iri: “Yin in keje pacha jun chaqij che'.”

JEREMÍAS 31:15

I Ajwal kub'ij: “Ktataj jun ch'awb'al pa tinimit Ramá chi lik ko'ik. Ile are ati Raquel chi ko' kumal i rak'al, xaq kraj taj chi kkub'sax uk'ux man je kamnaq chik rak'al.”

Hechos 8:27

I ma Felipe xuyijb'a rib' xaq xumaj b'i ub'e; chila pa b'e xuk'ulaj jun achi chi aj Etiopía. Ire le nim upatan man are kk'olow upwaq ati ajawinel re i tinimit Etiopía, i achi le xupon chukojik u'ij i Dios pa Jerusalén.

1 Samuel 8:15

Xaq kuk'am ni jumutzaj che i lajuj mutzaj che i ch'irajil xaq i uva, kuya ni chke i jalajuj taq rajpatan.