Ester 4:3 - Wuj Pa K'ubultzij

³ Xaq keje ile xki'an pa jalajuj taq tinimit ipa xupon wi i taqanik re i ajawinel, rumali xpe jun nim laj k'achirik chkixol aj Israel, konojel xkisaqij kib'is man xkimayij utijawik kiwa, xe'o'ik xaq xesik'inik, je k'i chke xekotz'i puwi i chaj xaq xkikoj ki'u' as.

Ester 4:3 Iomraidhean Croise

Ester 1:1

I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

Ester 4:2

Keje x-on ile k'a xupon pa okb'al che i nim laj rachoch i ajawinel, xwiri xok tu b'ik, man mijun kya' che kok b'i ru' u'u' keje ile.

Ester 4:4

I rajke'elab' ati Ester xaq i achiyab' chi elsam kikowil chi kechajiwik, xkib'ij che wach ktijin uk'ulmaxik. Are uri ati Ester chi ajawinel, xpe jun nim laj ub'is xaq xutaq b'i u'u' ma Mardoqueo man kresaj i as chi ukojom, xwiri ire xraj taj.

Ester 9:31

chupam i wuj le tz'ib'talik chi kki'an ni i nima'ij re Purim che taq i ij chi ch'iktalik, chrij pacha i taqanik chi xuya ma Mardoqueo xaq ati ajawinel Ester chke ike xaq chke kimuq kixikin. Xaq xkiya i taqanik chi che taq i ij le, kkitij ti kiwa xaq lik ke'o' na rumal ni'pa xkik'ulmaj.

Job 2:8

Are uri ma Job, x-e kul pa chaj, xuk'am ch'aqap b'oj re rochb'al rij.

ISAÍAS 22:12

Che taq i ij le i Ajwal chi ronojel ktiki che kixusik'ij yix re kixo'ik, xaq re kitz'uyunej, re ki'an tz'um che ijolom xaq re kikoj i'u' chi lik as, k'utb'al re uk'axk'olil i k'ax.

ISAÍAS 22:4

Rumali xinb'ij: Chixel chinwach man kwaj kinsik'in che o'ej, mikub'saj taq ink'ux rumal wach i k'ax kutij intinimit.

ISAÍAS 58:5

¿Kich'ob' b'awa yix chi umayixik wa'im re i lapanik wu' Yin chi lik kumaj inwach, are taq uqajik ik'ux rumal i k'ax xaq ulukb'axik iqul pacha taq jun raxk'am, xaq ru' ukojik as laj taq i'u' xaq i kotz'olem pa chaj? Yin kintz'onoj chik chiwe: ¿Are b'a “umayixik wa'im re lapanik wu' Yin ile”, are b'a jun “ij ile chi kumaj uwach i Ajwal”?

Ezequiel 27:30

Kesik'in na xaq lik ke'o' ni chawe ru' uk'axk'ol kik'ux. Kkikoj ni uk'aj ulew pkija' xaq kkib'alk'atij kib' pa taq chaj.

Daniel 9:3

I xin-an inlapanik xaq ni'pa i kwaj utz'onoxik che i Ajwal Dios, xinmayij inwa'im, xinkoj in-u' chi lik as xaq xinkub'i pa chaj.

JONÁS 3:6

Are xupon utzijol ru' i ajawinel re i Nínive, xaq ire xwalij che ukub'ib'al chi o u'ij, i xresaj u'u' chi re upatan, xukoj u'u' as i xkub'i pulew.

Mateo 13:42

Te'uri kek'aq ni pa a' pa orno. Chila ke'o' na; xaq kkiqach'ach'ej uwake rumal ni uk'axk'ol.

Mateo 22:13

Te'uri i ajawinel xeusik'ij i umokom, xub'ij chke: —“Chixima i u'ab' i raqan, xaq chiwesaj b'i rija pa equm. Chila ko' na, xaq kuqach'ach'ej ni uware rumal ub'is”; xub'ij chke.

Mateo 25:30

I utz ti laj mokom le, chiwesaj b'i rija; pa equm. Chila ko' wi, xaq kuqach'ach'ej ni uware.” Xub'ij i rajaw kichak chke.

JOSUÉ 7:6

Rumal wach xkik'ulmaj le, ma Josué xaq i je aj-atzil ke i aj Israel xkiraqch'ij ki'u', xkikoj uk'aj ulew pkija' k'utb'al re chi je o pa b'is, xexuki'ik xaq xkiqajsaj kipalaj k'a chwach ulew, chwach i lo'laj ukaxa i Ajwal, k'a xqaj b'i ij.

1 Samuel 11:4

I je ajb'il tzij xeupon pa Gabaa ipa jeqel wi a Saúl; are xkiya utzijol chke i winaq are uri lik konojel xe'o'ik.