Ester 3:7 - Wuj Pa K'ubultzij

⁷ I nab'e ik' che i junab', ile are i ik' chi Nisán ub'i, che i kab'lajuj junab' re rajawinik i ajawinel ma Asuero, xki'an jun sakinik chwach ma Amán, man kkich'ik i ij xaq i ik' chi ku'an na wach uch'ob'om, are uri xtzaq i sakinik che i ij oxlajuj re ik' kab'lajuj, ile are ik' chi Adar ub'i.

Ester 3:7 Iomraidhean Croise

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Esdras 6:15

I rachoch i Dios xutzin che oxib' ij re i ik' Adar, che uwaq junab' rajawinik ma Darío pa tinimit Persia.

NEHEMÍAS 2:1

Xuk'ulmaj jun ij re i ik' chi Nisán ub'i, che i junab' juwinaq re rajawinik, tz'aqat yin kintijin chuya'ik uwa'al uva muqb'am che, are uri i ajawinel xrilo chi kinb'isonik.

Ester 1:3

Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

Ester 2:16

I al Ester xk'am b'i pa nim laj rachoch i ajawinel ma Asuero, man kuk'utu rib' chwach che i lajuj ik', chi xaq Tebet ub'i, are o chik uwuq junab' che rajawinik.

Ester 9:1

Che i ij oxlajuj re kab'lajuj ik', ile are i ik' chi Adar ub'i, are i ij chi ch'iktalik, man k-ani ronojel i taqanik chi xuya i ajawinel, xaq are i ij le chi i je ajch'oj chkij aj Israel kich'ob'om kich'akik. Xwiri xuk'ulmaj ti ile, man are aj Israel xech'akanik.

Ester 9:21

Xub'ij chke chi junab' junab' kki'an ni i nima'ij che i kajlajuj xaq che jo'lajuj ij re i ik' chi Adar ub'i,

Ester 9:5

Aj Israel xekikamsaj i ajch'oj chkij ru' ch'ich' chi o uware k'ulala xaq xki'an chke pacha xkaj ike.

Proverbios 16:33

I winaq kuk'aq i sakinik chwi mexa, xwiri are i Ajwal kyaw i k'isb'al tzij.

Mateo 27:35

Are kiripom xaq kitz'awom chik chwach i krus, i achiyab' chi je yij che i ch'oj xe'ok chi sakinik chrij u'u' i Jesús, ilb'al re pachin kch'akaw b'i chke.