Ester 3:12 - Wuj Pa K'ubultzij

¹² Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 3:12 Iomraidhean Croise

1 Reyes 21:8

Are uri i ati Jezabel juntir xutz'ib'aj jalajuj taq wuj pub'i ma Acab xaq xukoj b'i uretal i ajawinel che; te'uri xutaq b'i chke i je uwi ujolom, xaq chke i je aj-atzil chi je o pa tinimit ipa o wi ma Nabot.

Esdras 8:36

Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

Ester 1:22

Xutaq b'i wuj pa jalajuj taq tinimit chi ku'at tzij pkiwi, tz'ib'tal pkich'ab'al chrij pacha kech'aw i jalajuj taq tinimit le. Tz'ib'tal b'i taqanik chupam chi ronojel k-antaj na chrij pacha i taqanik chi kkiya i achiyab' chi taq kachoch.

Ester 3:11

xub'ij che: —Chkanaj ni i saq-o'oj awu'. I tinimit chi kab'ij le cha'ana chke pacha kumaj awach.

Ester 8:2

Are uri i ajawinel xresaj ub'aq re uwi u'ab' chi uk'amom kan che ma Amán, xuya che ma Mardoqueo. Xaq ati Ester xuya kan ma Mardoqueo pa aj-ok'al utzam che ub'itaq re ma Amán.

Ester 9:27

aj Israel xkib'ij chkiwach chi junab' junab' konojel ike, kimuq kixikin xaq ni'pa xkiya kiwach ku' ike, lik kki'an ni i nima'ij chekeb' ij chi ch'iktalik chrij pacha i taqanik chi xya' chke;

Daniel 3:10

Yet, Nim laj Winaq, xataq ub'ixkil chi konojel i winaq lik juntir kexuki'ik xaq kkikoj u'ij i nim laj k'exwach an-o'oj are kkita uch'awb'al i ojomb'al,

Daniel 6:12

Te'uri xe'e chrilik i ajawinel re kkitz'onoj che wach u'onom i taqanik chi tz'ib'talik, i xkib'ij che: —Nim laj Winaq, yet awesam ub'ixkil i taqanik, chi pachin jun che i lajuj juwinaq (30) iji ku'an jun tz'onb'enik xapachin che jun dios o xaq che jun winaq chi chawe ti yet kutz'onoj wi, lik kk'aq nu b'i pa jul ke i koj, ¿Qatzij ti b'a ile? —Keje ile —xula' uwach i ajawinel—. I taqanik chi tz'ib'talik le lik o uchak k-antaj na chrij i ki'atb'al tzij aj Media xaq Persia, chi lik kchupsax ti uwach.

Daniel 6:15

Xwiri i achiyab' le xeupon chik chwach i ajawinel i xkib'ij che: —Nim laj Winaq, yet lik aweta'am chi ki'atb'al tzij i aj Media xaq aj Persia, ronojel i taqanik chi tz'ib'talik xaq ujuch'um ub'i i ajawinel chwach, mijun ktiki taq chusachsaxik.

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

Daniel 6:8

Rumal uri, lik chatz'ib'aj xaq chajuch'u uwach ru' a'ab' man keje ile kjalwachix taj chrij pacha ki'atb'al tzij aj Media xaq i aj Persia, chi lik kchupsax ti uwach.