Ester 2:5 - Wuj Pa K'ubultzij

⁵ Chila pa tinimit Susa, jeqel jun achi aj Israel chi ma Mardoqueo ub'i, chi uk'ojol ma Jair, chi umuq uxikin ma Simei xaq re ma Cis, chi re utzob'ajil ma Benjamín.

Ester 2:5 Iomraidhean Croise

2 Samuel 16:5

Are xupon ma David chila pa tinimit Bahurim, are uri jun achi jun chke i ralk'uwal kan etz ma Saúl, xel loq xaq xujeq uk'oqoxik. I achi le ma Simei ub'i, chi uk'ojol ma Gera,

2 Reyes 24:12

Are uri ma Joaquín, chi ajawinel aj Judá, junam ru' uchuch xaq i je rajpatan, je unimaqil xaq i achiyab' chi kul k'uxij chke, xkijach kib' pu'ab' i ajawinel aj Babilonia, chrijil chik ile i ajawinel le xeuk'am b'i prexil. Ile xuk'ulmaj che uwajxaqib' junab' rajawinik ma Nabucodonosor.

2 Reyes 24:15

Ma Nabucodonosor xeuk'am b'i ma Joaquín, uchuch, je rixoqil, je rajpatanib' xaq konojel i winaq chi lik nim ki'ij chi je o chila pa nim laj tinimit; konojel xeresaj b'i pa Jerusalén, xeuk'am b'i pa tinimit Babilonia.

Ester 1:2

i k'ijib'al ipa ku'at wi tzij are i tinimit Susa.

Ester 10:3

I ma Mardoqueo, chi aj Israel, lik xnimar u'ij man upatan ire lik pacha taq re i ajawinel; lik x-on nim u'ij chkixol aj Israel xaq lik k'ax xna' kumal uwinaq man ire lik xu'an i utz chke xaq xu'ano chi o uxlanb'al k'uxij chkixol.

Ester 2:3

I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Ester 2:4

I ali chi lik mas qus kril i ajawinel, are ire uri kch'ik rij re kkanaj pa ati ajawinel puk'exel ati Vasti. I ch'ob'onik le lik utz xuta i ajawinel, rumali chi lik keje ile xki'an che.

Ester 5:1

Oxib' ij rik'awik ile, ati Ester xukoj u'u' chi kkikoj ixoqib' ajawinelab', te'uri xok b'i pa nim laj ja k'a chwaja re i ajawinel, xtak'i chila chwach uchija ipa kul wi i ajawinel chupam ukub'ib'al chi o u'ij.

1 Samuel 9:1

Chkixol utzob'ajil ma Benjamín o jun achi chi ma Cis ub'i, chi uk'ojol ma Abiel, ri umam ma Zeror; uqajaw ma Zeror le are ma Becorat, uqajaw ma Becorat le are ma Afía. I ma Cis are jun achi chi lik o u'ij kumal i winaq,