Ester 2:3 - Wuj Pa K'ubultzij

³ I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Ester 2:3 Iomraidhean Croise

Ester 2:19

Che taq i ij chi kek'am b'i altom che jun chik upam ja chila pa nim laj rachoch i ajawinel ke ixoqib', ma Mardoqueo kul xol uchija che i nim laj rachoch i ajawinel.

Ester 2:4

I ali chi lik mas qus kril i ajawinel, are ire uri kch'ik rij re kkanaj pa ati ajawinel puk'exel ati Vasti. I ch'ob'onik le lik utz xuta i ajawinel, rumali chi lik keje ile xki'an che.

Ester 2:5

Chila pa tinimit Susa, jeqel jun achi aj Israel chi ma Mardoqueo ub'i, chi uk'ojol ma Jair, chi umuq uxikin ma Simei xaq re ma Cis, chi re utzob'ajil ma Benjamín.