Ester 2:16 - Wuj Pa K'ubultzij

¹⁶ I al Ester xk'am b'i pa nim laj rachoch i ajawinel ma Asuero, man kuk'utu rib' chwach che i lajuj ik', chi xaq Tebet ub'i, are o chik uwuq junab' che rajawinik.

Ester 2:16 Iomraidhean Croise

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Esdras 7:8

Rumal i utz laj utonik i Dios, i ma Esdras xel li pa Babilonia che i nab'e ij, re i nab'e ik' che uwuq junab' rajawinik ma Artajerjes, xupon pa Jerusalén che i nab'e ij re ujo' ik' che i junab' le.

Ester 2:1

X-on panoq are ik'awnaq chik roywal i ajawinel ma Asuero, xk'un chuk'ux wach x-on ati Vasti xaq wach taq i taqanik chi xwalij chrij.

Ester 2:15

I al Ester, chi umi'al ma Abihail, chi rikan ma Mardoqueo, are xuriq i ij chi kuk'utu rib' chwach i ajawinel, xwi xuk'am b'i rajwaxik chi xb'ix che rumal ma Hegai, chi elsam ukowil che xaq are ire le chajinel ke ixoqib'. I al Ester le xtiki chuch'akik chi k'ax xna' kumal i winaq chi keilawik.

Ester 2:17

I ma Asuero le lik x-e uk'ux che al Ester, chi mijuyak una'om ile ru' jun chik ixoq, rumali chi al Ester le, lik k'ax xna' rumal ma Asuero, xaq lik qus xril chkiwach jub'an chik altom chi rilom chik kiwach, are uri xukoj i koron che ujolom xaq xuya kan pa ati ajawinel puk'exel ati Vasti.

Ester 2:3

I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.