Ester 2:12 - Wuj Pa K'ubultzij

¹² Konojel i altom le, kab'lajuj ik' xeyijb'axik man keje ile chom ketzunik, che i nab'e waqib' ik', kkib'ak kich'akul chupam aceite re i mirra, xaq i waqib' ik' chik kkib'ak kich'akul chupam i kunb'al muy chi kkikoj ixoqib'. Are xeutzin chu'anik chom che kib', i altom le jujunal ke'e chwach i ajawinel ma Asuero are kuriq i ij chi ch'iktalik,

Ester 2:12 Iomraidhean Croise

Ester 2:11

I ma Mardoqueo le, ij ij kmalkat chwa taq ja re i nim laj rachoch i ajawinel ke ixoqib', ilb'al re we utz uwach al Ester xaq we utz rilik kki'an che.

Ester 2:13

xaq kya' chke chi kkik'am b'i i wiqb'al kib' chila pa nim laj ja ke i ixoqib' k'a pa nim laj ja re i ajawinel, lik ronojel ni'pa i kkitz'onoj.

Ester 2:3

I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Ester 2:9

I ali le lik xumaj uwach ma Hegai, rumali chi lik utz rilik xu'ano, keje uri ile chi ma Hegai xutaq uya'ik kunb'al che anb'al chom che uch'akul xaq lik xuya i utz laj taq ti'b'alil che; xaq xukoj wuqub' ajke'elab' chi je o chila pa nim laj rachoch i ajawinel, junam ku' i keilawik le xeuya chupam jun utz laj k'ijib'al chupam i nim laj rachoch i ajawinel chi ke ixoqib'.

Proverbios 7:17

Inkojom oxib' uwach kunb'al muy che inch'at, mirra, áloe xaq i canela.

Cantares 3:6

¿Wach taq ile chi petnaq pa tz'inilik jyub' chaqij, chi pacha taq sib' kb'ororik kel b'i chikaj, chi xaq lik o umuyal i mirra che xaq i umuyal pom, xaq ronojel i jalajuj taq kunb'al k'ajil chi muy?

ISAÍAS 3:24

Puk'exel i kunb'al muy kk'iji ni chuyil, puk'exel i ximb'al pamaj kk'iji ni ch'aqap laso; puk'exel i chom laj uyijb'axik wi'ij ku'an ni tz'um pkija'; puk'exel i k'ul chi paqalik kk'iji ni i k'ul chi lik as; puk'exel i chomalil k-on ni yuk rumal uk'aton jun ch'ich' k'atan pa a'.

ISAÍAS 57:9

Kat-anik xat-e ru' i tiox Melec awok'am b'i aceite xaq k'iyal kunb'al muy, xeataq b'i ajb'il tzij k'a naj, xa'an chke chi xeqaj b'i k'a pa rajawinik i kamik.