Ester 10:2 - Wuj Pa K'ubultzij

² Ronojel ni'pa xu'an ma Asuero are xnimar u'ij, are xnimar rajawinik, xaq are xunimarsaj upatan ma Mardoqueo, lik tz'ib'tal chupam i wuj ipa ktz'ib'ax wi ronojel ni'pa kk'ulmax pa taq tinimit Persia xaq Media.

Ester 10:2 Iomraidhean Croise

1 Reyes 11:41

I jub'an chik anoj re ma Salomón, chi re uno'oj, xaq ronojel ni'pa i xu'ano, tz'ib'tal chupam i wuj crónicas chi re ire.

1 Reyes 14:19

I jub'an chik anoj re uk'aslemal ma Jeroboam, i ch'oj chi xu'ano xaq i jub'an chik b'iroxik chi xu'ano are xu'at tzij, tz'ib'tal chupam i wuj Crónicas ke i ajawinelab' aj Israel.

1 Reyes 22:39

I jub'an chik lapanik chrij uk'aslemal ma Acab xaq ronojel ni'pa i xu'ano, xaq i nim laj rachoch chi re marfil, xaq i tinimit chi xeuyako, tz'ib'tal chupam i wuj re i crónicas ke i ajawinelab' aj Israel.

Ester 2:23

I tzij le xk'ami upam, are xketamaj chi ile lik qatzij, i keb' aj-atzil le x-at tzij pkiwi chi kejitz'axik. I anik le, lik chwach i ajawinel, xtz'ib'ax chupam i wuj, ipa tz'ib'tal wi ronojel ni'pa kk'ulmax pa tinimit.

Ester 6:1

Xaq lik che a'ab' le, i ajawinel ma Asuero lik kok ta li uwaram, rumali xutaq uk'amik i nim laj wuj chi tz'ib'tal chupam ronojel ni'pa k-ani pa tinimit, man kajlax chuxikin.

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

Ester 8:2

Are uri i ajawinel xresaj ub'aq re uwi u'ab' chi uk'amom kan che ma Amán, xuya che ma Mardoqueo. Xaq ati Ester xuya kan ma Mardoqueo pa aj-ok'al utzam che ub'itaq re ma Amán.

Ester 9:4

I ma Mardoqueo le, lik nim chik u'ij chila pa nim laj rachoch i ajawinel, xaq enaq chik utzijol chwach ronojel i ulew ipa je o wi, xaq lik ij ij ktijin unimarik upatan.

Salmos 18:35

Yet kinato xaq kinawesaj pa k'ax, kinawok'aj ru' a'ab' wiqab'im; i rutzil ak'ux u'anom chwe chi kinel chisaq.

Daniel 2:48

Te'uri i ajawinel xuya a Daniel che jun k'ijib'al nim u'ij xaq xutaq u'anik chomiq taq sipon re kuya che; xwi ta la ile, xaq xuch'ik rij chi aj-ok'al utzam puwi i ulew re i tinimit Babilonia xaq kaj-atzil konojel ni'pa o kino'oj che i nim laj tinimit le.