Ester 1:8 - Wuj Pa K'ubultzij

⁸ Xwiri, i ajawinel le xutaq ub'ixkil chke i aj-atzil ke ajchakib' pa nim laj rachoch ire, chi kki'an ti pen chke i winaq chutu'ik uwa'al uva muqb'am, xwi chkitu'u ni'pa kkaj utu'ik.

Ester 1:8 Iomraidhean Croise

Ester 1:7

Ronojel ni'pa i tu'ik re xtu' chupam taq yab'al an-o'oj chi jalajuj taq u'anik, xya' k'iyal uwa'al uva muqb'am man i ajawinel lik utz uk'ux che i nima'ij le.

Ester 1:9

Xaq keje xu'an ati Vasti, chi ati ajawinel, xu'an jun nima'ij chke konojel kixoqil achiyab' chi xeupon chila pa nim laj rachoch i ajawinel ma Asuero.

JEREMÍAS 35:8

Yoj lik oj kojonnaq che ronojel ni'pa i taqanik chi uya'om qamam ma Jonadab, rumali lik mijuyak kqatu' taq i uwa'al uva muqb'am, kqatu' ti yoj, qixoqil xaq i qak'al,

JEREMÍAS 51:7

I tinimit Babilonia are te'eq jun tu'b'al an-o'oj pin-ab' Yin chi lik ke'u'ab'arsaj konojel winaq chwach i jyub' ta'aj. I nimaq taq tinimit kkitu' te'eq uwa'al uva muqb'am le xaq lik ksach kinojb'al.

Juan 2:8

Te'uri xub'ij chke: —Wo'or chilika jub'i', chik'ama b'i che i ok'awnaq utzam i nima'ij —xcha. Ike keje ile xki'ano.