Ester 1:6 - Wuj Pa K'ubultzij

⁶ I uwaja le lik wiqtal ru' kortin saq xaq xar chi paqal rajil, ximtal upam ru' jalajuj taq yut'b'al lino chi púrpura ktzunik, chi ik'awsam chuxol i sotsaq ch'ich' saq-o'oj xaq tzayb'am che raqan ja chi re mármol. Xaq o kub'ib'al chi lik utz uxlanem chupam chi antal che an-o'oj xaq saq-o'oj, i uwach ulew kikojom ab'aj chi lik paqal rajil are i nácar xaq i mármol saq xaq eq.

Ester 1:6 Iomraidhean Croise

Ester 7:8

Chrijil chik ile, i ajawinel xtzalij chik chila ipa xkitij wi kiwa, are uri xrilo chi ma Amán xukul chuxukut i tz'alam ipa kotz'ol wi ati ajawinel, are uri xsik'in chub'ixkil i tziji: —¿Xatab'a kawaj uqajsaxik u'ij ati ajawinel chi wachoch, xaq lik chinwach? I ajawinel are xuk'is ub'ixkil i tzij le, jujun chke i ajpatanib' chi kkichajij i ajawinel, xkich'uq upalaj ma Amán ru' jun k'ul. Are uri ma Harbona chi are jun chke achiyab' le, xub'ij: —I ma Amán uyijb'am jun jitz'b'al chila chi rachoch chi o kajlajuj xik'ab' che unajtil rij, chi xutaq uyijb'axik kamsab'al re ma Mardoqueo, chi are jun achi chi xuya utzijol chawe wach kak'ulmaj te'eq, Nim laj Winaq. Are uri i ajawinel xuya i taqaniki: —¡Chik'ama b'i ma Amán xaq chila chitzayb'a anoq!

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

ÉXODO 26:1

Ka'an i ja re i riqb'al ib' wu', ru' lajuj chom laj kortin re lino, katz'aj ru' i tz'ajb'al akoj, kaqxar xaq i kaq, kat'is keb' uk'exwach i querubín chwach i kortin.

Ezequiel 23:41

xekub'i puwi jun chom laj ch'at, xaq yijb'am chik jun mexa, puwi i mexa le xkiya wi pom xaq i aceite chi o u'ij chi sujtal chwe Yin.

AMÓS 2:8

Je jab'ernaq chwach i k'ul chi xkimaj kan che i jun chi o uk'as ku', kkitij i wa chi sujtalik re kojb'al ki'ij i tiox chi xaril je antalik; ru' i mer chi kik'amom chke i winaq re utojb'alil jun mak chi saqil taj, ru' ile kkilo' i uwa'al uva muqb'am, chi kkitu' prachoch i kitiox.

AMÓS 3:12

Keje iri kub'ij i Ajwal: “Keje pacha i ajyu'ul chij chi kresaj li keb' aqanij o we utzam jun xikinaj puchi' i koj, keje uri k-on i ki'anmajik i aj Israel ile chi je jeqel pa Samaria, ike le chi kki'ayb'a kib' che chomiq taq kotz'ib'al re i Damasco.”

AMÓS 6:4

Ixkotz'ol puwi i chomiq taq kotz'ib'al re marfil, lik kiya iwib' chu'anik i nimaq taq inima'ij i kitij ral taq chij xaq i me' ti'ojib';

1 Samuel 28:23

Xwiri ma Saúl kraj ti te'eq utijawik uwa, i rajpatanib' xaq ixoq lik xki'an pen che chi kutijo; k'isonik xraj, te'uri xwalij pulew xkub'i an chwi jun ch'at.