Ester 1:3 - Wuj Pa K'ubultzij

³ Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

Ester 1:3 Iomraidhean Croise

GÉNESIS 40:20

Are xuriqa urox ij, i ma faraón le, xu'an jun nima'ij re ralaxik ire xaq xeusik'ij konojel i rajchakib' che i nima'ij le; chkiwach konojel i ajchakib' le xutaq b'i kelsaxik prexil i aj-atzil ke i ajya'ol uwa'al uva muqb'am xaq i aj-atzil ke i ajya'ol kaxlanwa.

1 Reyes 3:15

Are xk'un saq chwach ma Salomón, are uri xunab'ej chi xa xachik'ik. Are xupon pa Jerusalén, x-e chila chwach i lo'laj ukaxa i Ajwal chi o utrat chupam, xusujuj i porom sipon xaq jub'an chik sipon re chomb'al k'uxij. Chrijil chik ile xuya jun nim laj wa'im chke konojel i rajpatanib'.

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.

Ester 1:14

Chkixol ni'pa ike le, are i mas k'ax kena' rumal i ajawinel, je are iri: Ma Carsena, ma Setar, ma Admata, ma Tarsis, ma Meres, ma Marsena xaq ma Memucán, wuqub' achiyab' chi lik o kipatan aj Persia xaq aj Media, ike le je o chkixol ni'pa kepixb'aw i ajawinel xaq lik nimaq kipatan ru' i atol tzij.

Ester 1:4

k'utb'al re chke chi lik nim rajawinik xaq nim laj ucho'ab' u'atb'al tzij. I nima'ij le nik'aj junab' xuch'ijo,

Ester 2:18

Te'uri xu'an jun nim laj nima'ij che ati Ester, che i nima'ij le xeusik'ij konojel ni'pa rajpatanib' xaq konojel ni'pa keton chu'atik tzij, xuqajsaj li alkawal pa taq tinimit xaq xujach k'iyal taq sipon, pacha kmajawik chi k-on jun utz laj ajawinel.

Ester 3:7

I nab'e ik' che i junab', ile are i ik' chi Nisán ub'i, che i kab'lajuj junab' re rajawinik i ajawinel ma Asuero, xki'an jun sakinik chwach ma Amán, man kkich'ik i ij xaq i ik' chi ku'an na wach uch'ob'om, are uri xtzaq i sakinik che i ij oxlajuj re ik' kab'lajuj, ile are ik' chi Adar ub'i.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

Daniel 5:1

Ma Belsasar, ajawinel re Babilonia, xeusik'ij lajujwinaq kamo' (1,000) winaq chi lik nimaq kipatan pa tinimit che jun nim laj wa'im; are ketijin chwa'im, i ajawinel xaq i je usik'im ru' lik k'i uwa'al uva muqb'am xkitu'u.

Daniel 5:28

PARSIN: I awajawinik yet, Nim laj Winaq, jachtal uxol, xaq kjach ni pki'ab' i tinimit Media xaq i Persia.

Daniel 6:1

I ajawinel ma Darío xuch'ik kij waqwinaq (120) je aj-ok'al utzam i jalajuj taq tinimit, man keje ile chkiqul o wi rilik i jalajuj taq k'ijib'al re ajawinik.

Daniel 8:20

I chij ma chi o keb' rok'a' kuk'utb'ej ke i ajawinelab' re Media xaq i re Persia.

Marcos 6:21

I ati Herodías lik xrechb'ej i nima'ij chi xu'an ma Herodes re u'ij ire man xuk'is chik jun junab' uk'aslemal. Are uri chi xeusik'ij i je raqan u'ab', xaq i aj-atzil chke i achiyab' chi je yij che i ch'oj, xaq xeupon i nimaq kipatan re ronojel i jyub' Galilea.