Ester 1:1 - Wuj Pa K'ubultzij

¹ I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,

Ester 1:1 Iomraidhean Croise

Esdras 4:6

Are xujeq rajawinik ma Asuero, i winaq chi je ajch'oj chkij aj Israel, xkikoj kimak aj Judá xaq aj Jerusalén che, chi lik chwach wuj kitz'ib'am wi b'ik.

Ester 10:1

I ma Asuero, chi ajawinel, xuya jun taqanik chi konojel i winaq chi je jeqel pa jalajuj taq tinimit xaq ulew chi o ya chrij chwach, kkitoj ni alkawal che.

Ester 2:3

I ajawinel cheutzukuj ni achiyab' pa jalajuj taq tinimit chi kuya chkiqul kik'amik b'i altom pa nim laj rachoch ire, chi o chila pa tinimit Susa. Are keupon chila Susa i altom le ke'il ni rumal ma Hegai chi elsam ukowil che, ire le kul uk'ux i ajawinel che xaq chajinel ke ixoqib'. I ma Hegai le xaq xya' chuqul chi kerilo xaq keuyijb'a anb'al chomiq chke.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 9:30

i wuj le xkitz'ib'aj ru' jun rutzil kik'ux, te'uri xkitaq b'i chke i winaq chi je o pa wuqub' waqwinaq (127) tinimit chi o pu'ab' ma Asuero,

ISAÍAS 18:1

¡To' uwach i tinimit ipa ktataj wi kich'awb'al i ral taq chikop! Che i tinimit chi o k'a jela che i raqana re Etiopía,

ISAÍAS 37:9

Are uri i ajawinel aj Asiria xuta chi i ajawinel ma Tirhaca, chi aj Etiopía, ktijin chuyijb'axik jun ch'oj chrij ire. Are uri i ajawinel aj Asiria le xutaq chub'i jub'an ajb'il tzij ru' ma Ezequías, chi ajawinel re i tinimit Judá. Xub'ij che:

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Daniel 6:1

I ajawinel ma Darío xuch'ik kij waqwinaq (120) je aj-ok'al utzam i jalajuj taq tinimit, man keje ile chkiqul o wi rilik i jalajuj taq k'ijib'al re ajawinik.

Daniel 9:1

Ma Darío, chi rak'al ma Asuero, chi aj pa tinimit Media, ku'at tzij puwi i ajawinik ke i aj Caldea.