Esdras 4:3 - Wuj Pa K'ubultzij

³ Xwiri ma Zorobabel, ma Jesúa xaq i aj-atzil ke alk'uwal aj Israel, xkib'ij chke: —Kmajaw taj chi kojito chuyakik i rachoch i Ajwal Dios. Yoj rajwaxik qatukel kojyakaw ni rachoch i Ajwal, chi ki-Dios aj Israel, man keje ile xub'ij ma Ciro chqe, chi ajawinel re i tinimit Persia.

Esdras 4:3 Iomraidhean Croise

SEGUNDO LIBRO DE CR%D3NICAS 36:22

Che i nab'e junab' rajawinik ma Ciro, chi ajawinel ke aj Persia, man k-antaj na pacha utzij i Ajwal chi b'ital rumal ma Jeremías, chi profeta, i Ajwal xu'an che ma Ciro chi kupaxsaj uwach chke konojel uwinaq to' keje ile pa tzij xaq chwach taq wuj, i taqaniki:

Esdras 1:1

Che i nab'e junab' rajawinik ma Ciro chi ajawinel ke aj Persia, are uri k-antaj na pacha utzij i Ajwal chi ub'im ma Jeremías chi profeta, i Ajwal xu'an che ma Ciro chi kupaxsaj uwach i utaqanik chke konojel uwinaq, pa tzij xaq chwach taq wuj, are utaqanik iri:

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.

Esdras 1:3

Rumali chi xapachin chiwe yix, chi ix utinimit i Ajwal, chixuto ni uri Iwajwal Dios; xaq chixtzalij chik pa Jerusalén chi o pa Judá chuyakik i rachoch i Ajwal, chi ki-Dios aj Israel, chi are Dios chi jeqel pa Jerusalén.

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

NEHEMÍAS 2:20

Xwiri yin xinb'ij chke: —I Dios aj chikaj kojuto na. Yoj, chi oj rajchak, kqajeq uyijb'axik ni'pa wulkrijnaq che i tinimit, xwiri yix nti iwe che man i atb'al tzij kumaj ni chiwe yix wach i kiwaj xaq ronojel ni'pa k-ani chi pa tinimit Jerusalén.

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

ISAÍAS 45:4

Rumal ilb'al tob'al uwach i wajpatan chi ma Jacob, xaq rumal ilb'al tob'al uwach i tinimit Israel chi in-ulum; at insik'im ru' ab'i xaq inya'om jun ab'i re yab'al a'ij, tupu yet aweta'am ti inwach.

Mateo 10:16

Chita pe', yin kixintaq b'i yix chkixol i je ajch'oj chiwij; ix pacha chij chkixol i utiw. Chi'ana kwent iwib', pacha ku'an jun kumatz, kuya ti rib' che i jun. Xwiri xaq chi'ana utz che iwib' pacha kki'an i palomax.

Juan 4:9

Are uri i ixoq chi aj Samaria xula' uwach che i Jesús: —¿Wach u'anik ile chi yet at aj Judío, katz'onoj taq aya' chwe yin chi in aj Samaria? —Keje ile xub'ij che, man i aj Judío kkaj ti kib' ku' aj Samaria.

Hechos 8:21

Yet, nti awe chuk'amik i nim laj cho'ab' le man utz ti ak'aslemal chwach i Dios.