Esdras 4:2 - Wuj Pa K'ubultzij

² are uri xe'e ru' ma Zorobabel, ru' ma Jesúa xaq ku' i aj-atzil ke alk'uwal; xkib'ij chke: —Chiya ni chqe chi kixqato chuyakik i rachoch i Dios, man yoj xaq qatzukum i Dios chi kikoj u'ij yix, xaq qasujum qaporom sipon che are xujeq ajawinik ma Esar-hadón, chi ajawinel pa tinimit Asiria, chi xaq are ire xojuk'am li waral.

Esdras 4:2 Iomraidhean Croise

GÉNESIS 10:11

I ma Nimrod le, xel b'i pa Asiria, xu'an jub'an tinimit chila chi are kib'i iri: Nínive, Rehobot, Cala,

2 Reyes 17:24

I ajawinel re i tinimit Asiria xeuk'am li i winaq pa tinimit Babilonia, Cuta, Ava, Hamat xaq Sefarvaim man kejeqi chila Samaria pkik'exel aj Israel. Keje uri ile chi xejeqi ike chila pa tinimit Samaria xaq che jub'an chik nimaq taq tinimit chi re i Samaria.

2 Reyes 19:37

Jun ij, are xukul prachoch utiox chi Nisroc, xeupon i rak'al chi ma Adramelec xaq ma Sarezer, xkikamsaj, te'uri xe'anmajik i xe'e chila che i jyub' Ararat. Chrijil chik ire xrajawin uk'ojol puk'exel chi ma Esar-hadón.

Esdras 1:5

I aj-atzil ke i alk'uwal aj Judá, aj Benjamín, ajsujul sipon xaq i aj Leví chi kikowim kik'ux che i Dios, xkiyijb'a kib' che i enam pa Jerusalén chuyakik chik i rachoch i Ajwal.

Esdras 3:12

K'i chke i ajsujul sipon, aj Leví xaq i aj-atzil ke alk'uwal chi je nimaq taq winaq chik, chi kilom i nab'e rachoch i Dios, lik kesik'in che o'ej, man kkilo chi xjeqan uyakik jun chik rachoch i Dios. Xaq jub'an chik lik kesik'in rumal kikikotemal.

Esdras 3:2

Are uri ma Jesúa, chi uk'ojol ma Josadac, xaq i je rachi'il chi ajsujul sipon junam ru' ma Zorobabel, chi uk'ojol ma Salatiel, xaq i rachalal, xkijeq uyijb'axik i sujb'al usipon i Dios aj Israel, man puwi kkisujuj wi i porom sipon, chrij pacha kub'ij u'atb'al tzij ma Moisés chi rajpatan i Dios.

NEHEMÍAS 9:32

Rumali, Qa-Dios, Yet lik at nim, lik nim acho'ab' xaq lik xib'rikil i nimaq taq anik chi ka'ano, chi kajalwachij ti i trat chi a'anom xaq i nim laj k'axnab'al ak'ux; chk'un chak'ux ronojel ni'pa jalajuj taq k'ax chi xeik'aw i ajawinelab' chupam, aj-atzil, ajsujul sipon, profeta, qatit qamam xaq konojel i winaq, are je o ajawinelab' aj Asiria xaq k'a arewi wo'or.

Salmos 73:8

Ru' i yo'yanik, ru' u'anik nim che kib' xaq kk'ix ti kipalaj chkixib'ixik i winaq chu'anik i mak atzalal xaq i kamik.

ISAÍAS 37:37

Are uri ma Senaquerib, chi ajawinel re i tinimit Asiria, xtzalij chub'i pa tinimit Nínive, chila xkanaj wi.

ISAÍAS 37:38

Jun ij, are ktijin chukojik u'ij u-dios chi Nisroc, xeupon i rak'al chi ma Adramelec xaq ma Sarezer xkikamsaj, te'uri, xe'anmajik i xe'e chila che i jyub' Ararat. Chrijil chik ile, xkanaj kan uk'ojol puk'exel pa ajawinel chi ma Esar-hadón.

Oseas 14:3

I tinimit Asiria ktiki ti chqato'ik, xaq mitene koj-anmaj rij taq kaway. Kqab'ij ti chik qa-Dios che taq ronojel i qayijb'am yoj, man xwi awu' yet, Ajwal, i ak'alab' chi nti chik kiqajaw kichuch kuriq ni tob'al wachij.

Gálatas 2:4

Xqamol qib' man o jujun chi xa ani'al xkimin kib' chkixol i jutzob'aj re i Dios, re taqb'al re wach i k-anik. Ike chi kki'an taq che kib' chi je qachalal chwach i Cristo, xwi kkaj te'eq umajik i utz chqe chi uya'om i Jesucristo, kkaj ike kojkimin tan chik pu'ab' i ujer k'utunik.

2 Timotéo 3:8

I je ajt'oronel le kki'an na pacha xki'an i keb' aj-itz, ma Janes i ma Jambres ike le ujer xkaj te'eq kki'atij utzij i mam Moisés. I winaq le kkaj kki'atij ni saq laj tzij; xa je are achiyab' chi sachnaq kinojb'al; lik utz ti chik ukub'ib'al kik'ux.