Esdras 2:1 - Wuj Pa K'ubultzij

^1-2 Iri are kib'i aj Israel chi xealax chila pa Judá chi xe'elsax b'i pa cho'ab' chwach kulew rumal i ajawinel ma Nabucodonosor aj Babilonia, chi chrijil chik kelsaxik b'i pa cho'ab' chwach kulew, xetzalij chik pa Jerusalén, xek'iji pa jalajuj taq k'ijib'al chila Judá, lik o jujun kok'aw utzam chke pa taq tzob'ajil, ike le je are iri: Ma Zorobabel, ma Jesúa, ma Nehemías, ma Seraías, ma Reelaías, ma Mardoqueo, ma Bilsán, ma Mispar, ma Bigvai, ma Rehum xaq ma Baana.

Esdras 2:1 Iomraidhean Croise

2 Reyes 25:11

Are uri ma Nabuzaradán xeuk'am b'i konojel i winaq pa Babilonia chi je kanajnaq kan pa nim laj tinimit xaq i jub'an chi xkiya kiwach ru' ajawinel aj Babilonia xaq i keb' oxib' chik aj-anol jalajuj taq b'iroxik ru' ab'aj.

PRIMER LIBRO DE CR%D3NICAS 9:1

Keje uri ile chi konojel aj Israel xtz'ib'ax kib'i chupam kiwuj i ajawinelab' aj Israel. Xwiri i winaq re i tinimit Judá xek'am b'i pa Babilonia rumal kimak.

PRIMER LIBRO DE CR%D3NICAS 9:2

I nab'e taq winaq chi xetzalij chik chwach kulew xaq pkitinimit, je are aj Israel, je ajsujul sipon, aj Leví xaq ajpatanib' prachoch i Dios.

Esdras 1:11

I an-o'oj xaq saq-o'oj chi xmoltajik ronojel lajujwinaq oxlajujmo' (5,400) Ronojel ile xuk'am b'i ma Sesbasar pa Jerusalén are xtzalij li pa Babilonia junam ku' aj Israel chi k'iyal junab' xkich'ij chila pa Babilonia man je elsam b'i pa cho'ab' pa kulew.

Esdras 2:70

I ajsujul sipon, aj Leví xaq jujun chke i winaq re i tinimit xekanaj kan pa jeqelem chila Jerusalén; xwiri i ajb'ix, ajchajal, konojel ni'pa kki'an kipatan prachoch i Dios xaq i jub'an chik aj Israel, xekanaj kan pa taq kitinimit.

Esdras 6:2

xaq pa nim laj ja re i ajawinel re i tinimit Acmeta, chi are i nim laj tinimit re ulew Media, chila xriqtaj wi jun wuj chi tz'ib'tal iri chupam:

Esdras 8:35

Chrijil chik ile, konojel ni'pa xe'el li pa Babilonia, xkijach ni'pa kik'amom loq re porom sipon chwach i Dios ke aj Israel pkib'i aj Israel, xkijach i kab'lajuj ral taq torib', waqlajuj kajwinaq (96) mama'ib' chij, wuqlajuj oxwinaq (77) ral taq mama'ib' chij xaq kab'lajuj chab'at, ronojel ile sipon rumal i mak. Ronojel xporox chwach i Ajwal kojb'al u'ij.

NEHEMÍAS 12:1

Iri are ajsujul sipon xaq aj Leví chi xetzalij li ru' ma Zorobabel, chi uk'ojol ma Salatiel, xaq ru' ma Jesúa: Chke ajsujul sipon, je are iri: Ma Seraías, ma Jeremías, ma Esdras,

Ester 1:1

I anoji x-ani che taq i ij are krajawin ma Asuero pkiwi wuqub' waqwinaq (127) tinimit, chi kjeqan b'i che i nim laj tinimit India, kupon k'a che i nim laj tinimit Etiopía,

Ester 1:11

man kkik'am b'i ati Vasti chi ukojom i koron chi lik chom, chila ipa ktijin wi i ajawinel chu'anik i nima'ij, man keje ile konojel i winaq chi nimaq kipatan, xaq i winaq re i tinimit, kkil ni uchomal, man saq laj tzij, chi lik chom laj ixoq.

Ester 1:3

Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

Ester 1:8

Xwiri, i ajawinel le xutaq ub'ixkil chke i aj-atzil ke ajchakib' pa nim laj rachoch ire, chi kki'an ti pen chke i winaq chutu'ik uwa'al uva muqb'am, xwi chkitu'u ni'pa kkaj utu'ik.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

ISAÍAS 48:20

Chixel pa tinimit Babilonia, chix-anmaj chkiwach aj Caldea. Chiya utzijol i tzijoniki ru' sik' re kikotemal, chiya retamaxik k'a chuchi' taq i jyub' ta'aj. Chib'ij: “¡I Ajwal ukirom ma Jacob chi rajpatan”!

JEREMÍAS 50:19

Kin-an ni che i tinimit Israel chi ktzalij chali putinimit pacha jun chij chi lik o ni k'i u'es re kutijo che i jyub' Carmelo, pa Basán, chwi taq jyub' rax re ma Efraín xaq pa Galaad.

Lamentaciones 1:3

Lik mas uyej xaq lik mas k'ax laj taq chak, kutij i tinimit Judá wo'or man chaptalik. Ujer lik xrajawin te'eq chkixol i jalajuj taq tinimit, xwiri wo'or lik kuriq ti uxlanem. Konojel i kiterb'em te'eq, xekimaja i wo'or lik kiya'om pa k'ax.

Lamentaciones 1:5

I ajch'oj chrij lik kkiqajsaj u'ij, i tzel keilawik lik ke'el chisaq. Man i Ajwal u'anom che chi kb'isonik rumal uk'iyal umak chi u'anom. I je rak'al xe'elsax b'i pa cho'ab' chwach kulew man xek'am b'i rumal i ajch'oj chkij.

Lamentaciones 4:22

I atojb'alil lik ya xk'isik; nim laj tinimit re Sion, i Ajwal katresaj ti chub'i pa cho'ab' chwach awulew. Xwiri kuya ni utojb'alil amak atzalal, nim laj tinimit Edom, xaq lik kresaj na li amak chisaq.

SOFONÍAS 2:7

Ni'pa i xek'asi kan pa tinimit Judá kki'an ni ke che i tinimit le are kk'un i Kajwal Dios chkito'ik xaq kujalwachij kik'aslemal ike. Chila na kkichajij wi chij, i cha'ab' kewar ni pa taq rachoch i ma Ascalón.

Hechos 23:34

Chrijil chik rajlaxik uwach i wuj, i aj-ok'al utzam i jalajuj taq tinimit xutz'onoj aj ipa i ma Pablo. Are xretamaj chi aj pa tinimit Cilicia,